മികച്ച പ്രകടനത്തിലൂടെ ആരാധക ശ്രദ്ധ നേടിയ താരമാണ് അനാർക്കലി മരിക്കാൻ. സോഷ്യൽ മീഡിയയിൽ ആക്റ്റീവായ താരം ​ഗംഭീര ഫോട്ടോഷൂട്ടുകളും തന്റെ വിശേഷങ്ങളും പങ്കുവെക്കാറുണ്ട്. ഇപ്പോൾ സോഷ്യൽ മീഡിയയിലൂടെ തന്റെ വാപ്പയുടെ വിവാഹവിശേഷങ്ങളാണ് താരം ആരാധകരെ അറിയിച്ചത്. 

ഇൻസ്റ്റ​ഗ്രാം സ്റ്റോറിയായിട്ടാണ് താരം വാപ്പയുടെ വിവാഹത്തെക്കുറിച്ച് പറഞ്ഞത്. സഹോദരി ലക്ഷ്മിക്കൊപ്പമാണ് അനാർക്കലി അച്ഛന്റെ സ്പെഷ്യൽ ഡേയിൽ പങ്കെടുത്തത്. അച്ഛൻ നിയാസ് മരിക്കാർ ഒരുങ്ങുന്നതിന്റേയും നിക്കാഹിന്റേയും മറ്റും വിഡിയോകളും ചിത്രങ്ങളുമെല്ലാം താരം പങ്കുവച്ചു. കൂടാതെ തന്റെ കൊച്ചുമ്മയേയും താരം പരിചയപ്പെടുത്തി. 

അച്ഛൻ വളരെ ടെൻഷനിലാണെന്നാണ് നിക്കാഹ് വിഡിയോ പങ്കുവെച്ച് അനാർക്കലി കുറിച്ചത്. സഹോദരിക്കും വാപ്പയ്ക്കുമൊപ്പം നിൽക്കുന്ന ചിത്രവും താരം ഉൾപ്പെടുത്തിയിട്ടുണ്ട്. കണ്ണൂരിൽ വച്ചു നടന്ന വിവാഹത്തിൽ അടുത്ത ബന്ധുക്കൾ മാത്രമാണ് പങ്കെടുത്തത്. 

നടി ലാലി പിഎം ആണ് അനാർക്കലിയുടേയും ലക്ഷ്മിയുടേയും അമ്മ. ആനന്ദം എന്ന ചിത്രത്തിലൂടെയാണ് അനാർക്കലി അരങ്ങേറ്റം കുറിക്കുന്നത്. പാർവതി നായികയായി എത്തിയ ഉയരേയിലും ശക്തമായ കഥാപാത്രമായി എത്തി.