ബോളിവുഡിൽ നിറഞ്ഞു നിൽക്കുന്ന താരമാണ് അനുപം ഖേർ. താരത്തിന്റെ പ്രകടനം സിനിമാ പ്രേമികളുടെ മനം കവരാറുണ്ട്. ഇപ്പോൾ ചർച്ചയാവുന്നത് അനുപം ഖർ പങ്കുവച്ച പോസ്റ്റാണ്. പുതിയ ചിത്രത്തിൽ രവീന്ദ്ര നാഥ് ടാ​ഗോറിന്റെ വേഷത്തിൽ താൻ എത്തുമെന്നാണ് താരം വ്യക്തമാക്കിയത്. 

ടാ​ഗോറിന്റെ ലുക്കിലുള്ള ചിത്രത്തിനൊപ്പമാണ് അനുപം ഖേറിന്റെ പ്രഖ്യാപനം. താരത്തിന്റെ കരിയറിലെ 538-ാമത്തെ ചിത്രമാണ് ഇത്. ടാ​ഗോറിനെ പോലെ താടിയും മുടിയും നീട്ടിവളർത്തിയ ലുക്കിലാണ് അനുപം ഖേർ പ്രത്യക്ഷപ്പെടുന്നത്. ചിത്രത്തെക്കുറിച്ചുള്ള കൂടുതൽ വിവരങ്ങൾ ഉടൻ പുറത്തുവിടുമെന്ന് അനുപം ഖേർ അറിയിച്ചു.

ചിത്രം ആരാധകരെ ഒന്നടങ്കം അമ്പരപ്പിച്ചിരിക്കുകയാണ്. ഒറ്റനോട്ടത്തിൽ ടാ​ഗോർ മുന്നിൽ നിൽക്കുന്നപോലെയുണ്ട് എന്നായിരുന്നു ആരാധകരുടെ കമന്റുകൾ. ചിത്രം കണ്ടിട്ട് അനുപം ഖേർ ആണെന്ന് തിരിച്ചറിയാൻ സാധിച്ചില്ലെന്ന് ചിലർ കുറിച്ചു. 

അനുരാ​ഗ് ബാസു ഒരുക്കുന്ന ആന്തോളജി ചിത്രം 'മെട്രോ ഇൻ ദിനോ'യാണ് അനുപം ഖേറിന്റേതായി ഇനി പുറത്തിറങ്ങാനുള്ള ചിത്രം. ആദിത്യ റോയ് കപൂർ, സാറാ അലി ഖാൻ, പങ്കജ് ത്രിപാഠി എന്നിവരും ചിത്രത്തിലുണ്ട്.

ഈ വാര്‍ത്ത കൂടി വായിക്കൂ 

സംവിധായകന്‍ വാക്കു പാലിച്ചു, നിവിന്‍ പോളി ചിത്രത്തിന്റെ പേര് പുറത്ത്; രാമചന്ദ്രബോസ് ആൻഡ് കോ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ