ബോളിവുഡ് താരം അനുപം ഖേറിന്റെ ഓഫിസില്‍ നടന്ന മോഷണത്തില്‍ രണ്ട് പേര്‍ അറസ്റ്റിലായിരുന്നു. പിന്നാലെ മുംബൈ പൊലീസിന് നന്ദി പറഞ്ഞുകൊണ്ട് രംഗത്തെത്തിയിരിക്കുകയാണ് താരം. 48 മണിക്കൂറിലാണ് മോഷണം നടത്തിയ രണ്ട് കള്ളന്മാരെ പിടിച്ചത് എന്നാണ് അനുപം ഖേര്‍ പറയുന്നത്.

എന്റെ ഓഫിസില്‍ മോഷണം നടത്തിയ രണ്ട് കള്ളന്മാരെയും പിടിച്ച മുംബൈ പൊലീസിന് എന്റെ ഹൃദയം നിറഞ്ഞ നന്ദിയും അഭിനന്ദനവും. എന്റെ ഓഫിസിലെ സെയ്ഫും മേനെ ഗന്ധി കോ നഹി മാര എന്ന ചിത്രത്തിന്റെ നെഗറ്റീവുമാണ് മോഷ്ടിച്ചത്. 48 മണിക്കൂറിനുള്ളില്‍ അവര്‍ കള്ളനെ പിടിച്ചു എന്നതാണ് അവരുടെ കഴിവ് തെളിയിക്കുന്നത്. മുംബൈ പൊലീസിനെ നല്ലവരായ മനുഷ്യര്‍ക്ക് നന്ദി. ജയ് ഹിന്ദ്.- എന്നാണ് അനുപം ഖേര്‍ കുറിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

മുംബൈയിലെ വീര ദേശായ് റോഡിലെ അനുപം ഖേറിന്റെ ഓഫിസില്‍ വ്യാഴാഴ്ചയാണ് മോഷണം നടന്നത്. 4.15 ലക്ഷം രൂപയും സിനിമയുടെ പ്രിന്റും അടങ്ങിയ സേഫാണ് മോഷ്ടിച്ചത്. ബുധനാഴ്ച രാത്രിയിലാണ് മോഷണം നടന്നത്. അടുത്ത ദിവസം ഓഫിസിലെ ജീവനക്കാരന്‍ എത്തിയപ്പോഴാണ് മോഷണ വിവരം പുറത്തറിയുന്നത്. പിന്നാലെ താരത്തിന്റെ പരാതിയില്‍ പൊലീസ് കേസെടുത്ത് അന്വേഷണം നടത്തുകയായിരുന്നു.