വനിതകളുടെ അണ്ടർ 19 ഏകദിന ചലഞ്ചർ ട്രോഫി 2021-22നെക്കുറിച്ച് ബിസിസിഐ വുമൺ ട്വിറ്റർ പേജിൽ വന്ന അപ്‌ഡേറ്റാണ് ഇപ്പോൾ ചർച്ചയാകുന്നത്. ഇന്ത്യ ബി ടീമിലെ താരമായ അനുഷ്‌ക ശർമ്മയെക്കുറിച്ചായിരുന്നു ട്വീറ്റ്. പക്ഷെ അനുഷ്‌ക ശർമ്മയുടെ പേര് ട്വീറ്റിൽ കണ്ടപാടെ നടി അനുഷ്‌ക ശർമ്മയാണെന്ന് തെറ്റിദ്ധരിച്ചവർ ഏറെയാണ്. 

ചലഞ്ചർ ട്രോഫിയിൽ അനുഷ്‌ക 88 ബോളിൽ 52 റൺസ് നേടിയെന്നായിരുന്നു ട്വീറ്റ്. അഞ്ച് ഫോറും ഒരു സിക്‌സും അടങ്ങുന്നതായിരുന്നു താരത്തിന്റെ ഇന്നിങ്‌സ്. ഇന്ത്യ ബി ടീമിന്റെ ക്യാപ്റ്റൻ കൂടിയാണ് അനുഷ്‌ക. 

ട്വീറ്റ് വൈറലായതിന് പിന്നാലെ ട്രോളും മീമും കൊണ്ട് നിറയുകയാണ് ഇന്റർനെറ്റ്.