മലയാള സിനിമാ മേഖലയിൽ നിന്നു വിട്ടു നിൽക്കുകയായിരുന്ന നടി ഭാവന. 'ന്റിക്കാക്കാക്കൊരു പ്രേമണ്ടാര്‍ന്ന്' എന്ന ചിത്രത്തിലൂടെ തിരിച്ചു വരവിന് ഒരുങ്ങുകയാണ് താരം. ഇപ്പോൾ ചിത്രത്തിന്റെ ഷൂട്ടിങ് ആരംഭിച്ചെന്ന റിപ്പോർട്ടുകളാണ് പുറത്തുവരുന്നത്. കൊടുങ്ങല്ലൂരിലാണ് 'ന്റിക്കാക്കാക്കൊരു പ്രേമണ്ടാര്‍ന്ന്' സിനിമയുടെ ഷൂട്ടിങ് ആരംഭിച്ചത്. ചിത്രത്തിൽ  ഷറഫുദ്ധീനാണ് നായകനായി എത്തുന്നത്. 

നവാ​ഗതനായ ആദിൽ മൈമൂനത്ത് അഷ്റഫ് ആണ് ചിത്രം സംവിധാനം ചെയ്യുന്നത്. ചിത്രത്തിന്റെ കഥയും എഡിറ്റിങ്ങും ആദിൽ തന്നെയാണ് നിർവ്വഹിക്കുന്നത്. ബോൺഹോമി എന്റർടൈൻമെൻറ്സിന്റെ ബാനറിൽ റെനീഷ് അബ്ദുൾഖാദറാണ് നിർമാണം. അഞ്ചു വർഷത്തിനു ശേഷമാണ് ഭാവന മലയാള സിനിമയിൽ അഭിനയിക്കുന്നത്. 

പൃഥ്വിരാജ് നായകനായ 2017ൽ പുറത്തിറങ്ങിയ ആദം ജോൺ ആണ് ഭാവന അവസാനമായി അഭിനയിച്ച മലയാള ചിത്രം.  മലയാളത്തിലേക്ക് വീണ്ടും തിരിച്ചെത്തുകയാണെന്ന് അടുത്തിടെ നൽകിയ അഭിമുഖത്തിൽ ഭാവന പറഞ്ഞിരുന്നു. മലയാളത്തിൽ അഭിനയിക്കുന്നില്ലെങ്കിലും കന്നഡയിൽ തിരക്കേറിയ താരമാണ് ഭാവന. 

ഈ വാര്‍ത്ത കൂടി വായിക്കാം 

'അച്ഛന്റെ ആലിംഗനവും പൊട്ടിച്ചിരിയും മിസ് ചെയ്യുന്നു, ഞങ്ങളുടെ ജീവിതം ഇരുട്ടിലാണ്'; കെകെയുടെ ഓര്‍മയില്‍ മകള്‍

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ