ബിഗ് ബോസ് താരവും സോഷ്യല്‍ മീഡിയ ഇന്‍ഫ്ലുവന്‍സറുമായ അബ്ദു റോസിക് വിവാഹിതനാവുന്നു. അമീറയാണ് വധു. സോഷ്യല്‍ മീഡിയയിലൂടെ അബ്ദു തന്നെയാണ് വിവാഹനിശ്ചയം കഴിഞ്ഞ വിവരം ആരാധകരെ അറിയിച്ചത്.

ഷാര്‍ജയില്‍ വച്ച് ഏപ്രില്‍ 24നായിരുന്നു വിവാഹനിശ്ചയം. മോതിരം മാറുന്നതിന്റെ ചിത്രങ്ങളാണ് താരം പങ്കുവച്ചത്. പരമ്പരാഗത വേഷത്തിലാണ് അബ്ദു റോസിക്കിനെ കാണുന്നത്. വെള്ള വസ്ത്രം ധരിച്ച് അബ്ദുവിന്റെ സമീപത്തിരിക്കുന്ന അമീറയുടെ കയ്യില്‍ മോതിരം അണിയിക്കുന്നതും ചിത്രങ്ങളില്‍ കാണാം.

കഴിഞ്ഞ ദിവസം വിവാഹമോതിരം ആരാധകരെ കാണിച്ചുകൊണ്ടുള്ള വിഡിയോ താരം പോസ്റ്റ് ചെയ്തിരുന്നു. തന്നെ ബഹുമാനിക്കുന്ന ഒരു പ്രണയം കണ്ടെത്താനാവുമെന്ന് ഒരിക്കലും പ്രതീക്ഷിച്ചില്ല എന്നാണ് താരം കുറിച്ചത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

താരങ്ങള്‍ ഉള്‍പ്പടെ നിരവധി പേരാണ് താരത്തിന് ആശംസകളുമായി എത്തുന്നത്. യുഎഇയില്‍ നിന്നുള്ള 19കാരിയാണ് അബ്ദുവിന്റെ വധു. ജൂലൈ 7ന് ഷാര്‍ജയില്‍ വച്ച് വിവാഹം നടക്കുമെന്നാണ് റിപ്പോര്‍ട്ടുകള്‍. താജകിസ്ഥാന്‍ ഗായകനായ അബ്ദു ശ്രദ്ധനേടുന്നത് ഹിന്ദി ബിഗ് ബോസ് സീസണ്‍ 16ല്‍ മത്സരാര്‍ത്ഥിയായി എത്തിയതോടെയാണ്.