മുന്‍ ബിഗ് ബോസ് താരവും നടിയുമായ റെയിസ വില്‍സന്റെ പുത്തന്‍ ഫോട്ടോഷൂട്ട് ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. സ്വിമ്മിങ് പൂളില്‍ നിന്നുള്ള നടിയുടെ ചിത്രങ്ങളാണ് ഇവ. സ്വിംസ്യൂട്ടിലാണ് റെയിസ ചിത്രങ്ങള്‍ക്ക് പോസ് ചെയ്തിരിക്കുന്നത്. 

നേവി ബ്ലൂ സ്വിംസ്യൂട്ടില്‍ ഹോട്ട് ലുക്കിലാണ് താരം. 'എനിക്ക് പൂളുകള്‍ ഇഷ്ടമാണ്, പൂളുകള്‍ക്ക് എന്നെയും', എന്ന് കുറിച്ച് നടി തന്നെയാണ് ചിത്രങ്ങള്‍ പങ്കുവച്ചത്. 

കമല്‍ഹാസന്‍ അവതാരകനായി എത്തുന്ന തമിഴ് ബിഗ് ബോസിന്റെ ആദ്യ സീസണില്‍ മത്സരാർത്ഥിയായാണ് റെയിസ ശ്രദ്ധനേടിയത്. ഇതിനുമുന്‍പ് നടി വേലയില്ലാ പട്ടധാരി2 എന്ന ചിത്രത്തിന്റെ ഭാഗമായിട്ടുണ്ട്. നടി റിയാലിറ്റി ഷോയില്‍ പങ്കെടുക്കുന്നതിനിടെയാണ് സിനിമ റിലീസിനെത്തിയത്. പിന്നീടിങ്ങോട്ട് നിരവധി ചിത്രങ്ങളില്‍ റെയിസ അഭിനയിച്ചിട്ടുണ്ട്.