മലയാളികളുടെ ഇഷ്ട താരമാണ് അനു സിത്താര. സോഷ്യൽ മീഡിയയിൽ ആക്റ്റീവായ താരം തന്റെ ഡാൻസും ചിത്രങ്ങളുമെല്ലാം ആരാധകർക്കായി പങ്കുവെക്കാറുണ്ട്. കഴിഞ്ഞ ദിവസം പെരുന്നാൾ ആശംസ അറിയിച്ചുകൊണ്ടൊരു വിഡിയോ താരം പോസ്റ്റ് ചെയ്തിരുന്നു. തലയിൽ തട്ടമിട്ട് മൊഞ്ചത്തിയായി നിൽക്കുന്ന അനുവായിരുന്നു വിഡിയോയിൽ. ഇതിന് താഴെ വന്ന വർ​ഗീയ കമന്റിനു താരം നൽകിയ മറുപടിയുമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. 

എങ്ങോട്ടേക്കാണ് പരിവർത്തനം എന്നായിരുന്നു അനു സിത്താരയോട് ഒരാൾ ചോദിച്ചത്. വൈകാതെ വായടപ്പിക്കുന്ന മറുപടിയുമായി അനു സിത്താര എത്തി. വർ​ഗീയ കമന്റിന് ‘മനുഷ്യനിലേക്ക്’ എന്നായിരുന്നു അനു നൽകിയ മറുപടി. സോഷ്യൽ മീഡിയയിൽ ചർച്ചയാവുകയാണ് ഈ ചോദ്യവും അൻുവിന്റെ ഉത്തരവും. നിരവധി പേരാണ് താരത്തെ പ്രശംസിച്ചുകൊണ്ട് രം​ഗത്തെത്തുന്നത്.