വിജയ്-വെങ്കട് പ്രഭു ടീം ഒന്നിക്കുന്ന ദളപതി 68 ന്റെ ടൈറ്റില്‍ പോസ്റ്റര്‍ പുറത്തുവിട്ടു.  പുതുവത്സരത്തിനോട് അനുബന്ധിച്ചാണ് പോസ്റ്റര്‍ റിലീസ് ചെയ്തത്. ചിത്രത്തില്‍ വിജയ് ഇരട്ട വേഷത്തിലെത്തുമെന്നാണ് പോസ്റ്റര്‍ നല്‍കുന്ന സൂചന.

ലിയോയ്ക്ക് ശേഷമുള്ള വിജയ് ചിത്രമാണ് ദളപതി 68. സയന്‍സ് ഫിക്ഷന്‍ സ്വഭാവമുള്ളതായിരിക്കും സിനിമയെന്ന് മുമ്പ് ഒരു അഭിമുഖത്തില്‍ വെങ്കട് പ്രഭു വ്യക്തമാക്കിയിരുന്നു. 

2012 ല്‍ പുറത്തിറങ്ങിയ ഹോളിവുഡ് സയന്‍സ് ഫിക്ഷന്‍ ചിത്രം ലൂപ്പറിന്റെ റീമേക്കാണ് ചിത്രം എന്നും റിപ്പോര്‍ട്ട് ഉണ്ട്. യുവന്‍ ശങ്കര്‍ രാജ സിനിമയ്ക്ക് സംഗീതമൊരുക്കും. പ്രശാന്ത്, പ്രഭുദേവ, അജ്മല്‍ അമീര്‍, സ്‌നേഹ, ലൈല, മീനാക്ഷി ചൗധരി, മോഹന്‍, യോഗി ബാബു, വി ടി വി ഗണേഷ് തുടങ്ങിയവര്‍ക്കൊപ്പം മലയാളി താരം ജയറാമും സിനിമയുടെ ഭാഗമാകുന്നുണ്ട്. നേരത്തെ എ ആര്‍ മുരുഗദോസ് സംവിധാനം ചെയ്ത വിജയ് ചിത്രം 'തുപ്പാക്കി'യിലും ജയറാം അഭിനയിച്ചിരുന്നു.

ഈ വാര്‍ത്ത കൂടി വായിക്കൂ 

'ഒരു പ്രത്യേക ഗ്യാങ്ങിന്റെ ചിത്രമായിരുന്നു 2018 എങ്കില്‍ ഓസ്കർ വാങ്ങുമായിരുന്നു': ജൂഡ് ആന്തണി ജോസഫ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ