ബോളിവുഡിലെ സൂപ്പർതാര ജോഡികളാണ് ദീപിക പദുകോണും രൺവീർ സിങ്ങും. ഇപ്പോൾ ആരാധകരെ ഒന്നടങ്കം ആവേശത്തിലാക്കിക്കൊണ്ട് ഒരു സന്തോഷവാർത്തയുമായി എത്തിയിരിക്കുകയാണ് ദമ്പതികൾ. ആദ്യത്തെ കൺമണിക്കായുള്ള കാത്തിരിപ്പിലാണ് എന്നാണ് ഇരുവരും പ്രഖ്യാപിച്ചത്.

ഈ വർഷം സെപ്റ്റംബറിൽ കുഞ്ഞ് എത്തുമെന്നാണ് ദീപികയും രൺവീറും വ്യക്തമാക്കിയത്. ദീപിക ഇപ്പോൾ സെക്കന്റ് ട്രൈമസ്റ്ററിലാണ് എന്നാണ് പുറത്തുവരുന്ന റിപ്പോർട്ടുകൾ. താരങ്ങൾ ഉൾപ്പടെ നിരവധി പേരാണ് ദമ്പതികൾക്ക് ആശംസകളുമായി എത്തുന്നത്. ഏറ്റവും കാത്തിരുന്ന വാർത്ത എന്നാണ് പലരും പോസ്റ്റിന് താഴെ കുറിച്ചത്.

ദീപിക ​ഗർഭിണിയാണെന്ന് നേരത്തെ തന്നെ അഭ്യൂഹങ്ങൾ ഉയർന്നിരുന്നു. ബ്രിട്ടീഷ് അക്കാദമി ഫിലിം അവാർഡ്സിലെ താരത്തിന്റെ ലുക്ക് തന്നെയാണ് അഭ്യൂഹങ്ങൾക്ക് കാരണമായത്. സിൽവർ സീക്വൻസ് സാരിയിലാണ് താരം എത്തിയത്. ഈ ലുക്കിൽ താരത്തിന്റെ ബേബി ബംമ്പ് ആരാധകരുടെ കണ്ണിൽ പതിയുകയായിരുന്നു. ഇതോടെ വിഡിയോയ്ക്ക് താഴെ ദീപിക ​ഗർഭിണിയാണോ എന്ന ചോദ്യങ്ങളും ഉയർന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

2018ലാണ് ദീപികയും രൺവീറും വിവാഹിതരാവുന്നത്. എട്ട് വർഷത്തോളം നീണ്ട പ്രണയകാലത്തിനു ശേഷമാണ് ഇരുവരും ഒന്നിച്ചത്.