ധനുഷ് പ്രധാന കഥാപാത്രത്തെ അവതരിപ്പിക്കുന്ന രജിഷ വിജയൻ നായികയാകുന്ന  'കര്‍ണ്ണന്‍റെ' ഒടിടി റിലീസ് തീയതി പ്രഖ്യാപിച്ചു. മാരി സെല്‍വരാജ് സംവിധാനം ചെയ്‍ത ചിത്രം ആമസോണ്‍ പ്രൈമിൽ ഈ മാസം 14ന് റിലീസ് ചെയ്യും. മലയാള നടൻ ലാലും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. 

കോവിഡ് ഒന്നാം തരം​ഗത്തിനിടയിൽ റിലീസ് ചെയ്യാനിരുന്ന ചിത്രം തിയറ്ററുകളിൽ തന്നെ എത്തിക്കണമെന്ന് തീരുമാനത്തിലായിരുന്നു നിർമ്മാതാക്കൾ. ഏപ്രിലില്‍ ഒന്‍പതിന് ആയിരുന്നു തിയറ്റര്‍ റിലീസ്.

ഏറെ ശ്രദ്ധ നേടിയ  അരങ്ങേറ്റ ചിത്രം 'പരിയേറും പെരുമാളി'നു ശേഷം മാരി സെല്‍വരാജ് സംവിധാനം ചെയ്‍ത ചിത്രമാണിത്. നടരാജന്‍ സുബ്രഹ്മണ്യന്‍, യോഗി ബാബു എന്നിവരും അഭിനയിക്കുന്നുണ്ട്. വി ക്രിയേഷന്‍സിന്‍റെ ബാനറില്‍ കലൈപ്പുലി എസ് താണുവാണ് ചിത്രത്തിന്‍റെ നിര്‍മ്മാണം.