ക്രിക്കറ്റ് താരവും അടുത്ത സുഹൃത്തുമായ സഞ്ജു സാംസണുമൊത്തുള്ള ചിത്രം ഇൻസ്റ്റ​ഗ്രാമിൽ പങ്കുവെച്ച് സംവിധായകൻ ബേസിൽ ജോസഫ്. ബേസലിനും സഞ്ജുവിനുമൊപ്പം ബേസലിന്റെ ഭാ​ര്യ എലിസബത്ത്, മകൾ ഹോപ്പ്, സഞ്ജുവിന്റെ ഭാര്യ ചാരുലത എന്നിവരുമാണ് ചിത്രത്തിലുള്ളത്. നിമിഷങ്ങൾക്കുള്ളിൽ ചിത്രം വൈറലായി.

ചിത്രത്തിന് താഴെ വരുന്ന രസകരമായ കമന്റുകളാണ് ഇപ്പോൾ സോഷ്യൽമീഡിയ ഏറ്റെടുക്കുന്നത്. 'അടുത്ത സിനിമയിൽ സഞ്ജുവിന് ഒരു ​ഗസ്റ്റ് റോൾ എങ്കിലും കൊടുക്കണമെന്നായിരുന്നു ഒരു ആരാധകന്റെ കമന്റ് അതിന് സഞ്ജു മറുപടിയുമായി എത്തിയതോടെ കമന്റ് ബോക്സ് നിറയുകയാണ്. 'അപ്പോ എന്റെ ഡേറ്റ്?'- എന്നായിരുന്നു സഞ്ജുവിന്റെ മറു ചോദ്യം. 'അളിയന് കളിയില്ലാത്തപ്പോൾ ബേസിൽ ഡേറ്റ് അറേയ്‌ജ് ചെയ്‌തോളും' എന്ന് ആരാധകന്റെ മരുപടിയും ഉടൻ എത്തി.  

നിരവധി ആളുകളാണ് ചിത്രത്തിന് താഴെ കമന്റുമായി വരുന്നത്. വളരെ കാലമായി സഞ്ജുവും ബേസിലും അടുത്ത സുഹൃത്തുക്കളാണ്. വെസ്റ്റിന്‍ഡീസിനെതിരായ ഏകദിന, ട്വന്റി20 പരമ്പരകൾക്കായുള്ള തയ്യാറെടുപ്പിലാണ് സഞ്ജു. ജനുവരിയിൽ ശ്രീലങ്കയ്ക്കെതിരായ ആദ്യ മത്സരത്തിൽ പരുക്കേറ്റ സഞ്ജുവിന് പിന്നീട് കളിക്കാൻ സാധിച്ചിരുന്നില്ല. ന്യൂസീലൻഡിനെതിരായ ട്വന്റി20 പരമ്പരയും സഞ്ജുവിനു നഷ്ടമായി. ഐപിഎൽ 2023 സീസണിൽ ബാറ്റു കൊണ്ട് മികച്ച പ്രകടനം നടത്താൻ സഞ്ജുവിനായില്ല. സഞ്ജു ക്യാപ്റ്റനായ രാജസ്ഥാൻ റോയൽസ് പ്ലേ ഓഫിലെത്താതെ പുറത്താകുകയും ചെയ്തു.

ഈ വാര്‍ത്ത കൂടി വായിക്കൂ 

'പൊലീസുകാരുടെ മുന്നിൽ വെച്ച് എന്റെ മുഖത്തടിച്ചു, അമ്മ ആത്മഹത്യയുടെ വക്കിൽ എന്ന് പറഞ്ഞിട്ടുപോലും കുലുങ്ങിയില്ല'; വിജയകുമാറിനെതിരെ അർഥന  

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ