സത്യൻ അന്തിക്കാട് സംവിധാനം ചെയ്ത മനസിനക്കരെ എന്ന ചിത്രത്തിലൂടെയാണ് നയൻതാര ആദ്യമായി കാമറയ്ക്കു മുന്നിലെത്തുന്നത്. തിരുവല്ലക്കാരി ഡയാന കുര്യനെ നയൻതാരയാക്കി മാറ്റിയത് സത്യൻ അന്തിക്കാടായിരുന്നു. തന്റെ ജീവിതത്തിലെ ഏറ്റവും മനോഹരമായ നിമിഷത്തിൽ തന്റെ ആദ്യത്തെ സിനിമ ​ഗുരുവിനെ നയൻതാര മറന്നില്ല. നയൻതാര-വിഘ്നേഷ് വിവാഹത്തിന് പ്രത്യേക അതിഥിയായി സത്യൻ അന്തിക്കാടും ഉണ്ടായിരുന്നു.

വിവാഹത്തലേന്നു നയൻതാരയുടെ വീട്ടിലേക്കാണ് സത്യൻ അന്തിക്കാടിനെ പ്രത്യേകമായി ക്ഷണിച്ചത്. ക്ഷണം സ്വീകരിച്ച് അദ്ദേഹം വിവാഹത്തിന് എത്തിയിരുന്നു. സത്യൻ അന്തിക്കാടിൽ നിന്ന് നയൻതാര അനുഗ്രഹം തേടി. വിവാഹദിവസവും അദ്ദേഹത്തിന്റെ സാന്നിധ്യമുണ്ടായിരുന്നു. 

മലയാളത്തിന്റെ യുവതാരം പൃഥ്വിരാജിനും കുടുംബത്തിനും വിവാഹത്തിലേക്ക് ക്ഷണമുണ്ടായിരുന്നു. എന്നാൽ ആടുജീവിതത്തിന്റെ ചിത്രീകരണവുമായി ബന്ധപ്പെട്ട് ജോർദാനിൽ ആയതിനാൽ ഇവർക്ക് വിവാഹത്തിൽ പങ്കെടുക്കാനായില്ല. നയൻതാരയ്ക്കും വിഘ്നേഷിനും ആശംസകൾ നേർന്നുകൊണ്ട് പൃഥ്വിരാജിന്റെ ഭാര്യ സുപ്രിയ ഇൻസ്റ്റ​ഗ്രാമിൽ പോസ്റ്റ് പങ്കുവച്ചിട്ടുണ്ട്.

2003ലാണ് മനസിനക്കരെ റിലീസ് ചെയ്യുന്നത്. ജയറാമിനും ഷീലയ്ക്കുമൊപ്പം ശക്തമായ കഥാപാത്രമായാണ് നയൻതാര ചിത്രത്തിൽ അഭിനയിക്കുന്നത്. തുടർന്ന് നിരവധി മലയാളം സിനിമയിൽ അഭിനയിച്ച നയൻതാര തമിഴ് സിനിമയിലേക്ക് ചുവടുവയ്ക്കുകയായിരുന്നു. ​​ആ​ദ്യം ​ഗ്ലാമറസ് നടിയായി നിറഞ്ഞു നിന്ന താരം പിന്നീട് തെന്നിന്ത്യയിലെ സൂപ്പർസ്റ്റാർ പദവിയിലേക്ക് എത്തുകയായിരുന്നു. 

ഈ വാര്‍ത്ത കൂടി വായിക്കൂ

വിഘ്നേഷിന് 20 കോടിയുടെ ബം​ഗ്ലാവ്, സഹോദരിക്ക് 30 പവൻ; പ്രിയപ്പെട്ടവരുടെ മനം നിറച്ച് നയൻതാര​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ