Dulquer, Vijay Deverakonda വിഡിയോ സ്ക്രീൻഷോട്ട്
Entertainment

വിജയ് ദേവരകൊണ്ടയെ പ്രാങ്ക് ചെയ്ത് ദുൽഖർ; വൈറലായി നടന്റെ മറുപടി

ഫോണിൽ പെൺകുട്ടിയാണ് സംസാരിക്കുന്നത്.

Author : സമകാലിക മലയാളം ഡെസ്ക്
Edited By : Hima Prakash

ദുൽഖർ സൽമാൻ നായകനായെത്തുന്ന 'ആകാശംലോ ഒക്ക താര'യുടെ റിലീസിനായി കാത്തിരിക്കുകയാണ് ആരാധകർ. ചിത്രത്തിന്റെ പ്രൊമോഷന്റെ ഭാ​ഗമായി കുട്ടികൾക്കൊപ്പമിരുന്ന് പ്രാങ്ക് ചെയ്യുന്ന ദുൽഖറിന്റെ വിഡിയോ ആണിപ്പോൾ വൈറലാകുന്നത്. ഫോണിൽ നിന്നും തങ്ങൾക്കു വേണ്ടി പ്രാങ്ക് ചെയ്യാൻ ഒരാളെ തിരഞ്ഞെടുക്കാൻ കുട്ടികള്‍ ദുൽഖറിനോട് ആവശ്യപ്പെടുന്നതും ഉടൻ തന്നെ ഫോണെടുത്ത് കോൾ വിളിച്ച് കുട്ടികൾക്ക് കൊടുക്കുന്നതുമാണ് വിഡിയോയിലുള്ളത്.

തന്‍റെ പ്രിയ സുഹൃത്തായ വിജയ് ദേവരകൊണ്ടയെ ആണ് ദുൽഖർ പ്രാങ്ക് ചെയ്യാനായി തിരഞ്ഞെടുക്കുന്നത്. വിജയ്‌യെ കോൾ ചെയ്തത് കണ്ട് കുട്ടികൾ ഞെട്ടുന്നത് വിഡിയോയിൽ കാണാം. ഉടൻ തന്നെ ‘ഡിക്യു വാട്ട്സാപ്പ്’ എന്നു പറഞ്ഞ് വിജയ് ദേവരകൊണ്ട ഫോൺ എടുക്കുന്നുണ്ട്. ഫോണിൽ പെൺകുട്ടിയാണ് സംസാരിക്കുന്നത്.

റോഡിൽ നിന്നും ഈ ഫോൺ കളഞ്ഞു കിട്ടിയതാണെന്നും എമർജൻസി കോണ്ടാക്ടിൽ ഈ നമ്പർ കണ്ടതുകൊണ്ടാണ് വിളിച്ചതെന്നും പെൺകുട്ടി ദേവരകൊണ്ടയോട് പറയുന്നു. ദുൽഖറിന് യഥാർഥത്തിൽ ഫോൺ നഷ്ടപ്പെട്ട് പോയെന്നു തന്നെയാണ് വിജയ് ദേവരകൊണ്ടയും വിചാരിക്കുന്നത്. താൻ പറയുന്നൊരു നമ്പറിൽ ഫോൺ എത്തിച്ചു കൊടുക്കാന്‍ കുട്ടിയോട് ദേവരകൊണ്ട ആവശ്യപ്പെടുന്നു.

തുടർന്ന് ഫോൺ കട്ട് ആക്കുകയും ചെയ്തു. പിന്നീട് ദുല്‍ഖർ തന്നെ ദേവരകൊണ്ടയെ വിളിച്ച് ഇതൊരു പ്രാങ്ക് ആണെന്ന് പറയുന്നത് വിഡിയോയിൽ കാണാം. വിജയ് അവധിയാഘോഷിക്കാൻ ജപ്പാനിലാണെന്നും ദുൽഖർ പറയുന്നുണ്ട്. ദുൽഖർ സൽമാനെ നായകനാക്കി പവൻ സാദിനേനി സംവിധാനം ചെയ്യുന്ന പാൻ ഇന്ത്യൻ ചിത്രമാണ് ‘ആകാശംലോ ഒക താര’.

ചിത്രം നവംബർ 20ന് ആഗോളതലത്തിൽ തിയറ്ററുകളിലെത്തും. ദുൽഖർ സൽമാൻ്റെ വേഫെറർ ഫിലിംസ് ആണ് ചിത്രം കേരളത്തിലെത്തിക്കുന്നത്. പുതുമുഖം സാത്വിക വീരവല്ലിയാണ് ചിത്രത്തിലെ നായികാ കഥാപാത്രത്തെ അവതരിപ്പിക്കുന്നത്. നടി ശ്രുതി ഹാസനും ചിത്രത്തിലുണ്ട്.

Dulquer prank video goes viral on social media.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മദ്യ നയത്തിൽ യുഡിഎഫ് ഉപസമിതി വരുന്നു; അധ്യക്ഷനെ കെപിസിസി പ്രസിഡൻറ് തീരുമാനിക്കും

കുങ്കുമപ്പൂ വിരിയിച്ച് ലക്ഷങ്ങള്‍ നേടാം; പക്ഷെ, ഹൈടെക് കൃഷി അത്ര എളുപ്പമല്ല

വീണ്ടും ഹാലണ്ട് മാജിക്, ഡെന്മാര്‍ക്കിനെതിരെ അവിശ്വസനീയ വിജയവുമായി നോര്‍വേ ക്വാര്‍ട്ടറില്‍; വിജയവഴിയില്‍ പോര്‍ച്ചുഗലും

പക്ഷിപ്പനി: ആലപ്പുഴ ചോദിക്കുന്നു, എന്നു തീരും ഈ ദുരിത കാലം?

370 കിലോമീറ്റര്‍ റേഞ്ച്, 12 ലക്ഷം രൂപ വില?; വരുന്നു വിന്‍ഫാസ്റ്റിന്റെ വിഎഫ്5 എസ് യുവി, ലോഞ്ച് അടുത്ത വര്‍ഷം