13 ദിവസം, 53 കോടി;കേരള ബോക്സ് ഓഫീസിൽ കുതിപ്പ് തുടർന്ന് 'രാമായണ'

കേരളത്തിൽ 50 കോടി ക്ലബ്ബിലെത്തുന്ന ആദ്യ ബോളിവുഡ് ചിത്രമെന്ന നേട്ടവും 'രാമായണ' സ്വന്തമാക്കി
Ramayana
RamayanaPinterest
Updated on: 
1 min read

കേരള ബോക്സ് ഓഫീസിൽ മികച്ച പ്രകടനം തുടർന്ന് രൺബീർ കപൂർ, സായ് പല്ലവി, യാഷ് എന്നിവർ പ്രധാന വേഷങ്ങളിലെത്തിയ 'രാമായണ: പാർട്ട് 1'. റിലീസ് ചെയ്ത് 13 ദിവസം പിന്നിടുമ്പോൾ കേരളത്തിൽ നിന്ന് 53 കോടി രൂപയുടെ ഗ്രോസ് കളക്ഷൻ സ്വന്തമാക്കിയിരിക്കുകയാണ് ചിത്രം.

രണ്ടാം ചൊവ്വാഴ്ച മാത്രം മൂന്ന് കോടി രൂപയാണ് ചിത്രം നേടിയത്. ഇതോടെ കേരളത്തിൽ 50 കോടി ക്ലബ്ബിലെത്തുന്ന ആദ്യ ബോളിവുഡ് ചിത്രമെന്ന നേട്ടവും 'രാമായണ' സ്വന്തമാക്കിയിരിക്കുകയാണ്.

നിതേഷ് തിവാരി സംവിധാനം ചെയ്ത ചിത്രം രണ്ടാം വാരത്തിലും തിയേറ്ററുകളിൽ മികച്ച പ്രേക്ഷകപിന്തുണ നേടുന്നുണ്ട്. രണ്ടാം ചൊവ്വാഴ്ചയിലെ കളക്ഷൻ തൊട്ടുമുൻപുള്ള ദിവസത്തെ അപേക്ഷിച്ച് 20 ശതമാനം കുറഞ്ഞെങ്കിലും ചിത്രത്തിന്റെ ബോക്സ് ഓഫീസ് പ്രകടനത്തെ കാര്യമായി ബാധിച്ചിട്ടില്ലെന്നാണ് കണക്കുകൾ സൂചിപ്പിക്കുന്നത്. പിങ്ക്‌വില്ലയുടെ റിപ്പോർട്ട് പ്രകാരം 13 ദിവസത്തെ പ്രദർശനം പൂർത്തിയാകുമ്പോൾ ചിത്രത്തിന്റെ കേരളത്തിലെ ഗ്രോസ് കളക്ഷൻ 52.75 കോടി രൂപയാണ്.

ആദ്യ ദിനം മൂന്ന് കോടി രൂപയായിരുന്നു ചിത്രത്തിന്റെ കേരള കളക്ഷൻ. തുടർന്നുള്ള ദിവസങ്ങളിലും മികച്ച കളക്ഷൻ നിലനിർത്തിയ ചിത്രം രണ്ടാം ശനിയാഴ്ചയോടെ വലിയ മുന്നേറ്റം നടത്തി. അന്ന് മാത്രം 6.25 കോടി രൂപയാണ് നേടിയത്. പത്താം ദിവസത്തെ പ്രദർശനം പൂർത്തിയാകുമ്പോൾ കളക്ഷൻ 39 കോടി രൂപയിലെത്തിയിരുന്നു. തുടർന്നും മികച്ച പ്രകടനം കാഴ്ചവെച്ചതോടെയാണ് ചിത്രം 13 ദിവസത്തിനുള്ളിൽ 50 കോടി എന്ന നാഴികക്കല്ല് പിന്നിട്ടത്.

രൺബീർ കപൂർ ശ്രീരാമനായും സായ് പല്ലവി സീതയായും യാഷ് രാവണനായുമാണ് ചിത്രത്തിലെത്തുന്നത്. രവി ദുബെ ലക്ഷ്മണനായും സണ്ണി ഡിയോൾ ഹനുമാനായും വേഷമിടുന്നു. വമ്പൻ താരനിരയും ദൃശ്യവിസ്മയമൊരുക്കുന്ന അവതരണവുമാണ് ചിത്രത്തിന്റെ പ്രധാന ആകർഷണങ്ങൾ. അതേസമയം, ചിത്രത്തിന്റെ രണ്ടാം ഭാഗത്തിനായുള്ള കാത്തിരിപ്പിലാണ് സിനിമാപ്രേമികൾ. 2028ലെ ദീപാവലി റിലീസായാണ് രണ്ടാം ഭാഗം പ്രഖ്യാപിച്ചിരിക്കുന്നത്.

Ramayana
നസ്ലെനു പകരം 'പ്രേമലു 2' നായകനായും, ധോനിക്ക് പകരം തലയായും പാറ്റിൻസൺ; എല്ലാവർക്കും അവനെ മതിയെന്ന് ട്രോൾ
Ramayana
'അത്തരം ഇൻട്രോകളെല്ലാം പരീക്ഷിച്ചു, പക്ഷേ സിനിമകളൊന്നും ഓടിയില്ല'; തുറന്നുപറഞ്ഞ് ദുൽഖർ സൽമാൻ
Ramayana
'ചിരിയിൽ നിഷ്കളങ്കത, അതിശയിപ്പിക്കുന്ന അഭിനേത്രി'; അനശ്വരക്ക് തെലുങ്കിൽ മികച്ച ഭാവിയുണ്ടെന്ന് ചിരഞ്ജീവി
Summary

'Ramayana' continues its strong run at the Kerala box office; grosses 53 crore in 13 days

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

X

FOLLOW US

ON GOOGLE DISCOVER