എംപുരാന്റെ ഓരോ അപ്ഡേറ്റും ആരാധകർ ആഘോഷമാക്കുകയാണിപ്പോൾ. ചിത്രത്തിന്റെ ഐമാക്സ് അനൗൺസ്‌മെന്റ് പോസ്റ്ററും സോഷ്യൽ മീഡിയയിൽ തരം​ഗം തീർത്തിരിക്കുകയാണിപ്പോൾ. മലയാളത്തിലെ ആദ്യ ഐമാക്സ് ചിത്രമായി എംപുരാൻ എത്തുന്നതിന്റെ സന്തോഷം പങ്കുവെച്ചുള്ള പോസ്റ്ററിൽ പൃഥ്വിരാജ് ഒരു വമ്പൻ ബ്രില്യൻസ് ഒളിപ്പിച്ചുവെച്ചിട്ടുണ്ട്.

സിനിമയുടെ പോസ്റ്ററിൽ IMAX എന്ന് എഴുതിയിരിക്കുന്നതിലെ 'A'യിൽ ത്രികോണത്തിനുള്ളിൽ ഒരു കണ്ണ് കാണാൻ സാധിക്കും. ഇത് ഇല്ലുമിനാറ്റിയുടെ ചിഹ്നമാണ് എന്നാണ് പറയപ്പെടുന്നത്. ഇതുകൊണ്ടും കഴിയുന്നില്ല, ഐമാക്സിൽ ഒളിപ്പിച്ച ബ്രില്യൻസിനപ്പുറം മറ്റൊന്ന് കൂടി കാണാൻ കഴിയും. IMAX എന്ന് എഴുതിയിരിക്കുന്നതിലേക്ക് ഒരു വെളിച്ചം വീഴുന്നതായി കാണാം.

ഈ വെളിച്ചത്തിനും ഒരു ത്രികോണാകൃതിയാണുള്ളത്. ഇതോടെ എംപുരാനിൽ ഇല്ലുമിനാറ്റിയുടെ കൂടുതൽ കാര്യങ്ങൾ കാണാൻ കഴിയുമെന്ന പ്രതീക്ഷയിലാണ് ആരാധകർ. മാർച്ച് 27 നാണ് ആഗോളതലത്തിൽ സിനിമ റിലീസിന് ഒരുങ്ങുന്നത്.

'മതം മാറിയപ്പോൾ റഹ്മാൻ കടുത്ത സമ്മർദം നേരിടുന്നത് ഞാൻ കണ്ടിട്ടുണ്ട്; അന്ന് അദ്ദേഹത്തിന് ഹിന്ദി അറിയില്ലായിരുന്നു'

ലൂസിഫറിന്റെ രണ്ടാം ഭാഗമായി എത്തുന്ന എംപുരാൻ നിർമിച്ചിരിക്കുന്നത്, ലൈക്ക പ്രൊഡക്ഷൻസ്, ആശിർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുബാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ്. മോഹൻലാലിനും പൃഥ്വിരാജിനുമൊപ്പം വൻ താരനിരയാണ് ചിത്രത്തിൽ അണിനിരക്കുന്നത്.