ചെന്നൈ : പ്രശസ്ത ഗായിക കല്യാണി മേനോന്‍ അന്തരിച്ചു. 80 വയസ്സായിരുന്നു. പക്ഷാഘാതത്തെ തുടര്‍ന്ന് ചെന്നൈയിലെ ആശുപത്രിയില്‍ ചികില്‍സയിലായിരുന്നു.
1970 കളില്‍ ക്ലാസ്സിക്കല്‍ ഗായികയായാണ് കല്യാണി മേനോന്‍ രംഗത്തുവന്നത്. പിന്നീട് സിനിമാഗാനരംഗത്തും തിളങ്ങി. 1977 ല്‍ രാമുകാര്യാട്ടിന്റെ ദ്വീപ് എന്ന സിനിമയില്‍ കണ്ണീരിന്‍ മഴയത്ത് എന്ന കല്യാണി മേനോന്‍ ആലപിച്ച് ഗാനം ശ്രദ്ധേയമായി.
മംഗളം നേരുന്നു എന്ന സിനിമയിലെ ഋതുഭേദ കല്‍പ്പനയില്‍, വിയറ്റ്‌നാം കോളനി എന്ന ചിത്രച്ചിലെ പവനരച്ചെഴുതുന്നു, ലാപ്‌ടോപ് എന്ന ചിത്രത്തിലെ ജലശയ്യയില്‍ കുളിരമ്പിളി തുടങ്ങിയവ കല്യാണി മേനോന്റെ ഏറെ ശ്രദ്ധേമായ ഗാനങ്ങളാണ്.
എ ആര്‍ റഹ്മാന്റെ സംഗീതസംവിധാനത്തില്‍ നിരവധി ഗാനങ്ങള്‍ കല്യാണി മേനോന്‍ ആലപിച്ചു. തമിഴ്‌നാട് സര്‍ക്കാര്‍ കലൈമാമണി പുരസ്‌കാരം നല്‍കി ആദരിച്ചിട്ടുണ്ട്.
മിന്‍സാര കനവ്, കണ്ടു കൊണ്ടേന്‍ കണ്ടുകൊണ്ടേന്‍ തുടങ്ങിയ സിനിമകള്‍ സംവിധാനം ചെയ്ത രാജീവ് മേനോന്‍ മകനാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates