ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് സൂപ്പർതാരം സൽമാൻ ഖാന്റെ കിസി കാ ഭായ് കിസി കി ജാന്‍. ചിത്രത്തിലെ യെന്റമ്മാ എന്ന ഡപ്പാംകൂത്ത് ഗാനം ഇതിനോടകം വലിയ ശ്രദ്ധനേടിയിരുന്നു. തെന്നിന്ത്യൻ സ്റ്റൈലിലാണ് സൽമാൻ ​ഗാനത്തിൽ പ്രത്യക്ഷപ്പെടുന്നത്. കസവുമുണ്ടും ഷര്‍ട്ടും ഷൂസും ധരിച്ചുള്ള താരത്തിന്റെ ഡാൻസ് ഇതിനോടകം ശ്രദ്ധനേടിക്കഴിഞ്ഞു. ഇപ്പോൾ സൽമാനെതിരെ രൂക്ഷവിമർശനവുമായി രം​ഗത്തെത്തിയിരിക്കുകയാണ് ഇന്ത്യന്‍ മുൻ ക്രിക്കറ്റ് താരം ലക്ഷ്മൺ ശിവരാമകൃഷ്ണൻ. 

കസവുമുണ്ട് മടക്കിയുള്ള സൽമാന്റെ ഡാൻസാണ് ലക്ഷ്മണിനെ ചൊടിപ്പിച്ചത്. ദക്ഷിണേന്ത്യന്‍ സംസ്‌കാരത്തെ അപമാനിക്കുന്ന രീതിയിലാണ് ​ഗാനം ചിത്രീകരിച്ചിരിക്കുന്നത് എന്നാണ് അദ്ദേഹം ട്വിറ്ററിൽ കുറിച്ചത്. ഇത്തരത്തിൽ മടക്കിക്കുത്താൻ അത് ലുങ്കിയല്ല ധോത്തിയാണെന്നും അദ്ദേഹം കുറിച്ചു. 

'ഇത് അങ്ങേയറ്റം പരിഹാസ്യവും നമ്മുടെ ദക്ഷിണേന്ത്യന്‍ സംസ്‌കാരത്തെ അവഹേളിക്കുന്നതുമാണ്. ഇതൊരു ലുങ്കിയല്ല, ഇതൊരു ധോത്തിയാണ്. ഒരു ക്ലാസിക്കല്‍ വസ്ത്രത്തെ വെറുപ്പുളവാക്കുന്ന രീതിയില്‍ കാണിച്ചിരിക്കുന്നു.'- ലക്ഷ്മൺ കുറിച്ചു. നിരവധി പേരാണ് ലക്ഷ്മണിനെ പിന്തുണച്ചുകൊണ്ട് രം​ഗത്തെത്തിയത്. അമ്പലത്തിനുള്ളിൽ ചെരിപ്പിട്ടതും ചിലരെ ചൊടിപ്പിക്കുന്നുണ്ട്. എന്നാൽ സിനിമയെ സിനിമയായി കണ്ടാൽ പോരെ എന്ന് ചോദിക്കുന്നവരുമുണ്ട്. 

സൽമാനെ നായകനാക്കി ഫര്‍ഹാദ് സംജി സംവിധാനം ചെയ്യുന്ന ചിത്രമാണ് കിസി കാ ഭായ് കിസി കി ജാന്‍. യെന്റമ്മാ ​ഗാനത്തിൽ പൂജ ഹെഗ്‌ഡേ, വെങ്കടേഷ് ദഗ്ഗുബട്ടി എന്നിവര്‍ക്കൊപ്പം രാംചരണ്‍ തേജയും പ്രത്യക്ഷപ്പെട്ടിരുന്നു. 

ഈ വാര്‍ത്ത കൂടി വായിക്കൂ 

'കുഞ്ഞിനെ എടുത്ത് ചുണ്ടിനോട് ചേര്‍ത്ത് ഉമ്മവെച്ചു, ഭിന്നശേഷിക്കരാനായ അയാള്‍ ദേഷ്യപ്പെട്ട് എന്റെ കാറിനു പിന്നാലെ വന്നു'; ദുരനുഭവം പറഞ്ഞ് പ്രീതി സിന്റ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ