നീണ്ട കാലത്തെ ആരോ​ഗ്യ പോരാട്ടങ്ങൾക്കൊടുവിൽ ​'ഗെയിം ഓഫ് ത്രോൺസ്' താരം ഡാരൻ കെന്റ് (36) അന്തരിച്ചു. കാരി ഡോഡ് അസോസിയേറ്റ്സ് എന്ന അദ്ദേഹത്തിന്റെ ഏജൻസിയാണ് മരണവാർത്ത ട്വിറ്ററിലൂടെ അറിയിച്ചത്. ഓഗസ്റ്റ് 11നായിരുന്നു അന്ത്യം. 

ഓസ്റ്റിയോപൊറോസിസ്, ആർത്രൈറ്റിസ്, അപൂർവ ചർമ്മ രോ​ഗം തുടങ്ങി നിരവധി ആരോ​ഗ്യ പ്രശ്‌നങ്ങൾ കൊണ്ട് അദ്ദേഹം നീണ്ട നാൾ ചികിത്സയിലായിരുന്നു. ഇം​ഗ്ലണ്ടിലെ എസെക്സിൽ ജനിച്ചു വളർന്ന ഡാരൻ 2008ലെ ഹൊറർ ചിത്രം 'മിറേഴ്സ്' എന്ന ചിത്രത്തിലൂടെയായിരുന്നു തുടക്കം. ​'ഗെയിം ഓഫ് ത്രോൺസ്' എന്ന സീരിസിലൂടെയാണ് അദ്ദേഹം കൂടുതൽ ശ്രദ്ധിക്കപ്പെട്ടു. 

2023 ൽ പുറത്തിറങ്ങിയ 'ഡൺജിയൻസ് ആന്റ് ഡ്രാ​ഗൺസ്; ഓണർ എമങ് തീവ്‌സ്' എന്ന ചിത്രത്തിലാണ് അവസാനം അഭിനയിച്ചത്. 'സണ്ണിബോയ്' എന്ന ചിത്രത്തിലെ അഭിനയത്തിന് അദ്ദേഹത്തിന് 2012ൽ മികച്ച നടനുള്ള വാൻ ഡി പുരസ്‌കാരം ലഭിച്ചു. അപൂർവ ചർമ്മ രോ​ഗത്തെ തുടർന്ന് പുറത്തിറങ്ങാൻ കഴിയാതെ വീർപ്പുമുട്ടുന്ന ഡാനി എന്ന കഥാപാത്രത്തെയാണ് അദ്ദേഹം അവതരിപ്പിച്ചത്. 2021 ൽ അദ്ദേഹം കഥയും സംവിധാനവും ചെയ്‌ത യൂ നോ മീ എന്ന ഹ്രസ്യ ചിത്രത്തിന് ജനുവരി പുരസ്‌കാരം ലഭിച്ചിരുന്നു. 
 

ഈ വാര്‍ത്ത കൂടി വായിക്കൂ 

'ഹൃദയവും പൗരത്വവും, രണ്ടും ഇനി ഹിന്ദുസ്ഥാനി'; അക്ഷയ് കുമാറിന് ഇന്ത്യന്‍ പൗരത്വം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ