കൊച്ചി: ഉണ്ണി മുകുന്ദനും നിഖില വിമലും പ്രധാനവേഷത്തിലെത്തുന്ന 'ഗെറ്റ് സെറ്റ് ബേബി'യുടെ ചിത്രീകരണം തൊടുപുഴയില് പൂര്ത്തിയായി. സ്കന്ദാ സിനിമാസും കിംഗ്സ്മെന് പ്രൊഡക്ഷന്സും സംയുക്തമായി നിര്മ്മിക്കുന്ന ചിത്രം വിനയ് ഗോവിന്ദ് ആണ് സംവിധാനം ചെയ്യുന്നത്. സജീവ് സോമന്, സുനില് ജയിന്, സാം ജോര്ജ്ജ് എന്നിവര് നിര്മ്മാണ പങ്കാളികളാവുന്ന ആദ്യസംരഭമാണ് ഈ ചിത്രം. കൊച്ചിയിലും തൊടുപുഴയിലുമായി കഴിഞ്ഞ 45 ദിവസങ്ങളിലായിരുന്നു ചിത്രീകരണം. ഉണ്ണി മുകുന്ദന്റെ നാല്പ്പതാമത്തെ ചിത്രമാണ് 'ഗെറ്റ് സെറ്റ് ബേബി'.
ഐവിഎഫ് സ്പെഷ്യലിസ്റ്റ് ആയ ഒരു ഡോക്ടര് നേരിടുന്ന പ്രശ്നങ്ങളും അത് പരിഹരിക്കാന് അയാള് കണ്ടെത്തുന്ന വഴികളും രസകരമായ രീതിയില് പ്രതിപാദിക്കുന്ന ചിത്രമാണ് ഗെറ്റ് സെറ്റ് ബേബി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഉണ്ണിമുകുന്ദന് തികച്ചും വ്യത്യസ്തമായ മറ്റൊരു കഥാപാത്രത്തെയാണ് ഈ ചിത്രത്തിലൂടെ അവതരിപ്പിക്കുന്നത്. ശക്തമായ നായികാ കഥാപാത്രത്തെയാണ് നിഖില അവതരിപ്പിക്കുന്നത്. ചിത്രത്തിന്റെ രചന നിര്വഹിക്കുന്നത് വൈവി രാജേഷും അനൂപ് രവീന്ദ്രനും ചേര്ന്നാണ്.
ആധുനികജീവിതത്തിലെ രസങ്ങളും സംഭവങ്ങളും വൈകാരിക മുഹൂര്ത്തങ്ങളും ഇടകലര്ത്തി പ്രേക്ഷകര്ക്ക് ആസ്വാദനത്തിന്റെ പുതിയ ഒരു അനുഭവം സമ്മാനിക്കുന്ന ഒരു ടോട്ടല് എന്റര്ടെയിനറായിരിക്കും ഗെറ്റ് സെറ്റ് ബേബി എന്ന് അണിയറപ്രവര്ത്തകള് പറയുന്നു. പ്രശസ്ത സംവിധായകനും എഡിറ്ററുമായ മഹേഷ് നാരായണനാണ് ചിത്രസംയോജനം. അലക്സ് ജെ പുളിക്കല് ഛായാഗ്രഹണം നിര്വ്വഹിക്കുന്ന ഈ ചിത്രത്തിന്റെ സംഗീതസംവിധാനം സാം സിഎസ് ആണ്. സുനില് കെ ജോര്ജ് ആണ് പ്രൊഡക്ഷന് ഡിസൈനര്. വസ്ത്രാലങ്കാരം സമീറാ സനീഷ്.
ചെമ്പന് വിനോദ്, ശ്യാം മോഹന്, ജോണി ആന്റണി, മീര വാസുദേവ്, ഭഗത് മാനുവല്, സുരഭി ലക്ഷ്മി, മുത്തുമണി, വര്ഷ രമേഷ്, ജുവല് മേരി, അഭിരാം, ഗംഗ മീര തുടങ്ങി മലയാളത്തിലെ പ്രമുഖ താരങ്ങള് ചിത്രത്തില് അണിനിരക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates