ടൊവിനോ തോമസിനെ നായകനാക്കി ബേസിൽ സംവിധാനം ചെയ്യുന്ന മിന്നൽ മുരളി ഇന്ന് റിലീസാവുകയാണ്. പ്രേക്ഷകർ വളരെ പ്രതീക്ഷയോടെ കാത്തിരിക്കുന്ന ചിത്രം നെറ്റ്ഫ്ളിക്സിലൂടെയാണ് എത്തുന്നത്. ടൊവിനോയുടെ മിന്നൽ മുരളി എത്തുന്നതിനു മുൻപേ സോഷ്യൽ മീഡിയ കീഴടക്കുകയാണ് മറ്റൊരു മിന്നൽ മുരളി. ചിത്രത്തിന്റെ തീമിൽ പുറത്തിറങ്ങിയ വെഡ്ഡിങ് സേവ് ദി ഡേറ്റാണ് ശ്രദ്ധ നേടുന്നത്. 

സേവ് ദി ഡേറ്റ് വൈറൽ

ജനുവരി 23 ന് വിവാഹിതരാകാൻ പോകുന്ന അമൽ–അഞ്ജു ജോഡികളുടേതാണ് മിന്നൽ സേവ് ദി ഡേറ്റ്. വിഡിയോയിൽ മിന്നൽ മുരളി കോസ്റ്റ്യൂമിലാണ് അമലിനെ കാണുന്നത്. കള്ളന്മാരിൽ നിന്നും അപകടത്തിൽ നിന്നുമെല്ലാം തന്റെ പെണ്ണിനെ രക്ഷിക്കാൻ പാഞ്ഞെത്തുന്ന മിന്നൽ മുരളിയെയാണ് വിഡിയോയിൽ കാണുന്നത്. ‘ഒരു മിന്നൽ സേവ് ദേ ഡേറ്റ്’ എന്ന അടിക്കുറിപ്പിൽ പുറത്തിറങ്ങിയ വിഡിയോ ഇതിനോടകം വൈറലായിക്കഴിഞ്ഞു. 

ആത്രെയ വെഡിങ് ടീമിലെ ജിബിൻ ജോയിയുടെ നേതൃത്വത്തിലാണ് മിന്നൽ സേവ് ദ് ഡേറ്റ് പുറത്തിറക്കിയത്. മാക്സിലെ അസിസ്റ്റന്റ് മാനേജരാണ് വരൻ അമൽ. വധു അഞ്ജു സിവിൽ എൻജിനീയറാണ്. നിതിൻ റോയ് ആണ് വിഡിയോ പകർത്തിയത്  എഡിറ്റ് ചെയ്തത് ഗോകുൽ