ബോളിവുഡിലെ സ്‌റ്റൈലിഷ് പ്രണയജോഡികളാണ് ടൈഗര്‍ ഷറോഫും ദിഷ പട്ടാനിയും. എന്നാല്‍ ഇരുവരും വേര്‍പിരിഞ്ഞതായി അടുത്തിടെ വാര്‍ത്തകളുണ്ടായിരുന്നു. ഇപ്പോള്‍ ഇതില്‍ പ്രതികരണവുമായി രംഗത്തെത്തിയിരിക്കുകയാണ് ടൈഗറിന്റെ അച്ഛനും ബോളിവുഡ് നടനുമായ ജാക്കി ഷറോഫ്. മകന്റെ പ്രണയ ജീവിതം താന്‍ അന്വേഷിക്കാറില്ല എന്നാണ് ജാക്കി പറഞ്ഞത്. ടൈഗറും ദിഷയും അടുത്ത സുഹൃത്തുക്കളാണെന്നും ഒന്നിച്ചു മുന്നോട്ട് പോകണോ വേണ്ടയോ എന്നത് അവര്‍ തീരുമാനിക്കേണ്ട കാര്യമാണെന്നും താരം കൂട്ടിച്ചേര്‍ത്തു. 

അവര്‍ എല്ലാക്കാലത്തും അടുത്ത സുഹൃത്തുക്കളാണ്, ഇപ്പോഴും സുഹൃത്തുക്കളാണ്. അവര്‍ ഒന്നിച്ച് പുറത്തുപോകുന്നത് ഞാന്‍ കാണാറുണ്ട്. എന്റെ മകന്റെ പ്രണയജീവിതം അന്വേഷിക്കുന്നതല്ല അത്. അവരുടെ സ്വകാര്യതയിലേക്ക് കടന്നു കയറുക എന്നതായിരിക്കും ഞാന്‍ ഏറ്റവും അവസാനം ചെയ്യുന്ന കാര്യം. പക്ഷേ അവര്‍ ഉറ്റ സുഹൃത്തുക്കളായാണ് എനിക്ക് തോന്നുന്നത്. ജോലിയുടെ കാര്യത്തിന് അല്ലാതെയും അവര്‍ ഒന്നിച്ചു സമയം ചെലവഴിക്കാറുണ്ട്.- ടൈഗര്‍ ഷറോഫ് പറഞ്ഞു. 

തന്റെ ഭാര്യയും മക്കളുമെല്ലാം ദിഷയുമായി നല്ല ബന്ധമാണ് ഉള്ളതെന്നും താരം വ്യക്തമാക്കി. അവര്‍ ഒന്നിച്ചാണോ അല്ലയോ എന്നത് അവരുടെ കാര്യമാണ്. ഇത് അവരുടെ പ്രണയ കഥയാണ്. എനിക്കും ഭാര്യയ്ക്കും ഞങ്ങളുടേതായ പ്രണയകഥയുണ്ട്. ഞങ്ങളുമായി ദിഷയ്ക്ക് നല്ല ബന്ധമാണുള്ളത്. അവര്‍ ഒന്നിച്ചുള്ളപ്പോഴെല്ലാം അവര്‍ സന്തോഷത്തിലാണ്.- ജാക്കി ഷറോഫ് കൂട്ടിച്ചേര്‍ത്തു. 

ഈ വാര്‍ത്ത കൂടി വായിക്കൂ

'നിന്നെ നോക്കുന്ന നിമിഷം ലക്ഷക്കണക്കിന് ഹൃദയങ്ങൾ നിശ്ചലമാകും'; ഡിക്യുവിന് പിറന്നാൾ ആശംസകളുമായി സൂപ്പർ താരങ്ങൾ​

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ