മോഹൻലാലിന്റെ കരിയറിലെ ഏറ്റവും മികച്ച കഥാപാത്രങ്ങളിൽ ഒന്നാണ് സ്ഫടികത്തിലെ ആടുതോമ. തീയറ്ററുകൾ നിറച്ച ആ മോഹൻലാൽ കഥാപാത്രം ഇന്നും ആരാധകർക്ക് ആവേശമാണ്. സ്ഫടികത്തിലെ മോഹൻലാലിന്റെ അഭിനയം കണ്ട് എഴുത്തുകാരി മാധവിക്കുട്ടി പറഞ്ഞ കാര്യത്തെക്കുറിച്ച് ആരാധകരുമായി പങ്കുവെച്ചിരിക്കുകയാണ് സംവിധായകൻ ഭ​ദ്രൻ. 

മിഹൻലാലിന്റെ അഭിനയമികവ് കണ്ട് അങ്ങനെയൊരു തെമ്മിടിപ്പയ്യൻ തനിക്കും ഉണ്ടായിരുന്നെങ്കിൽ എന്നാണ് മാധവിക്കുട്ടി പറഞ്ഞത്. സ്ഫടികത്തിന്റെ 26ാം വാർഷികത്തിന്റെ ഭാ​ഗമായാണ് മാധവിക്കുട്ടിയുമായുള്ള ഓർമ ഭദ്രൻ പങ്കുവെച്ചത്. 

എഴുത്തിൻ്റെ മുത്തശ്ശി മാധവിക്കുട്ടി സ്ഫടികത്തിലെ ലാലിൻ്റെ  അഭിനയ മികവ് കണ്ട് എന്നോട് ഒരിക്കൽ പറഞ്ഞത് ഓർക്കുന്നു.  "ഇതുപോലൊരു തെമ്മാടി ചെറുക്കൻ എനിക്കും ഉണ്ടായിരുന്നെങ്കിൽ...." ഇതിനു ആയിരം ആയിരം അർത്ഥങ്ങൾ അവർ കണ്ടിരുന്നിരിക്കാം. ഈ ദിവസം ഞാൻ അവരെ കൂടി ഓര്മിക്കുകയാണ്. ഇതിൻ്റെ Digital Version  അവരോടൊപ്പം കാണാൻ കഴിഞ്ഞിരുന്നെങ്കിൽ...- ഭദ്രൻ കുറിച്ചു.