ബോളിവുഡ് സുന്ദരി ഇലിയാന ഡിക്രൂസിന് ആണ്‍കുഞ്ഞ് പിറന്നു. മകന്റെ ചിത്രം പങ്കുവച്ച് താരം തന്നെയാണ് സന്തോഷവാർത്ത ലോകത്തെ അറിയിച്ചത്. കോവ ഫീനിക്‌സ് ഡോളന്‍ എന്നാണ് കുട്ടിക്ക് പേരിട്ടിരിക്കുന്നത്. ഓ​ഗസ്റ്റ് 1 നാണ് കുഞ്ഞ് ജനിച്ചത്. 

ഞങ്ങളുടെ പ്രിയപ്പെട്ട ആണ്‍കുട്ടിയെ ലോകത്തിലേക്ക് സ്വാഗതം ചെയ്യുന്നതില്‍ ഞങ്ങള്‍ എത്ര സന്തോഷത്തിലാണെന്ന് അറിയിക്കാന്‍ എനിക്ക് വാക്കുകളില്ല, ഹൃദയം നിറഞ്ഞു.- എന്ന കുറിപ്പിലാണ് താരം മകന്റെ ചിത്രം പങ്കുവച്ചത്. താരങ്ങള്‍ ഉള്‍പ്പടെ നിരവധി പേരാണ് ഇലിയാനയ്ക്കും മകനും ആശംസകളുമായി എത്തിയത്.

ഏപ്രില്‍ 18നാണ് താൻ ​ഗർഭിണിയാണെന്ന വിവരം ഇലിയാന ആരാധകരെ അറിയിച്ചത്. അവിവാഹിതയായ താരം കുഞ്ഞിന്റെ അച്ഛനാരാണെന്ന് വെളിപ്പെടുത്തിയിരുന്നില്ല. പങ്കാളി ആരാണെന്ന ചോദ്യവുമായി നിരവധി പേർ എത്തിയിരുന്നു. പിന്നാലെ പങ്കാളിക്കൊപ്പമുള്ള ‘ഡേറ്റ് നൈറ്റ്’ ചിത്രങ്ങള്‍ പങ്കുവച്ചു കൊണ്ടാണ് ഇലിയാന തന്റെ ജീവിതത്തിലെ പുരുഷനെ കുറിച്ച് വെളിപ്പെടുത്തിയത്. കൂടാതെ തന്റെ ​ഗർഭകാലത്തേക്കുറിച്ചും താരം വാചാലയായി.

ഈ വാര്‍ത്ത കൂടി വായിക്കൂ  

'ഹേമ കമ്മിറ്റി റിപ്പോര്‍ട്ടിലെ ആരോപണങ്ങള്‍ തെറ്റാണെങ്കില്‍ നിരപരാധികള്‍ കുടുങ്ങും, എന്തിനാണ് വെറുതെ വിവാദമുണ്ടാക്കുന്നത്'

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ