യുവതാരം കാളിദാസ് ജയറാമിന്റെ പിറന്നാളായിരുന്നു ഇന്നലെ. അച്ഛനും അമ്മയും സഹോദരിയും ഉൾപ്പടെ നിരവധി പേരാണ് താരത്തിന് പിറന്നാൾ ആശംസകൾ അറിയിച്ചത്. ഇപ്പോൾ ശ്രദ്ധ നേടുന്നത് കാളിദാസിന്റെ കാമുകി തരിണി കലിംഗരായർ പങ്കുവച്ച കുറിപ്പാണ്. 

‘‘നിന്നെ നാണം കെടുത്തുന്നത് എന്തെങ്കിലും എഴുതാൻ തുടങ്ങുകയായിരുന്നു. പിന്നെ ഞാൻ ഓർത്തു, ഈ പ്രത്യേക ദിവസം നിന്നോട് കുറച്ച് നന്നായി പെരുമാറാമെന്നു വിചാരിക്കുന്നു. ഹാപ്പി ബർത്ഡേ കണ്ണാ. നീ എനിക്ക് അമൂല്യമാണ്. എല്ലാത്തിനും നന്ദി.’’– എന്നായിരുന്നു തരിണി കുറിച്ചു. കാളിദാസിനൊപ്പമുള്ള ചിത്രങ്ങളും ഒന്നിച്ചുള്ള മനോ​ഹര നിമിഷങ്ങളും ഉൾപ്പെടുത്തിക്കൊണ്ടാണ് പോസ്റ്റ്. 

പോസ്റ്റിനു താഴെ ഹൃദ്യമായ മറുപടിയുമായി കാളിദാസും എത്തി. എന്റെ ഉലകം എന്നായിരുന്നു കാളിദാസ് കുറിച്ചത്. കഴിഞ്ഞ ദിവസമാണ് തരിണിയുടെ ഒരു വിഡിയോ കാളിദാസ് പങ്കുവച്ചത്. തരിണിയെ പേടിപ്പിക്കുന്നതായിരുന്നു വിഡിയോയിൽ. ഇത് ഏറെ ശ്രദ്ധ നേടിയിരുന്നു. 

കാളിദാസിന്റെ ചെറുപ്പകാലത്തെ ചിത്രങ്ങള്‍ പങ്കുവച്ചാണ് ജയറാമും പാർവതിയും ആശംസകളറിയിച്ചത്. എത്ര വർഷം കഴിഞ്ഞാലും നീ എന്റെ കുഞ്ഞായിരിക്കും എന്നാണ് പാർവതി കുറിച്ചത്. പലപ്രായത്തിലുള്ള ചിത്രങ്ങൾക്കൊപ്പമാണ് സഹോദരി മാളവിക പിറന്നാൾ ആശംസകൾ പങ്കുവച്ചത്.

ഈ വാര്‍ത്ത കൂടി വായിക്കൂ 

മുറുക്കിച്ചുവപ്പിച്ച ചുണ്ടുകൾ, കയ്യിൽ കുപ്പിവള, ചുവന്ന പൊട്ട്; ബം​ഗാളി സൗന്ദര്യം നിറച്ച് അനശ്വര രാജൻ; വൈറൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ