കമൽഹാസനും ശങ്കറും ഒന്നിക്കുന്ന ഇന്ത്യൻ 2നായി ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്. ചിത്രത്തിന്റെ ഷൂട്ടിങ് പൂർത്തിയാവുന്നതിന് മുന്നേ ശങ്കറിന് ആഡംബര വാച്ച് സമ്മാനമായി നൽകിയിരിക്കുകയാണ് കമൽ ഹാസൻ. ഇന്ത്യൻ 2വിലെ പ്രധാനഭാ​ഗങ്ങൾ കണ്ട് ഇഷ്ടപ്പെട്ടതോടെയാണ് ശങ്കറിന് പ്രശംസിച്ചുകൊണ്ട് സൂപ്പർതാരം എത്തിയത്. 

ഇന്ത്യൻ 2 ന്‍റെ പ്രധാന ഭാഗങ്ങൾ ഇന്ന് കണ്ടു, ശങ്കറിന് എന്റെ എല്ലാവിധ ഭാവുകങ്ങളും നേരുന്നു. ഇതാണ് ഏറ്റവും ഉയർന്നഘട്ടം എന്ന് കരുതരുത് എന്നാണ് എനിക്ക് ഉപദേശിക്കാനുള്ളത്. കാരണം നിങ്ങളുടം കലാരം​ഗത്തെ ഏറ്റവും മികച്ച ഘട്ടമാണ് ഇത്. ഇതാണ് ഏറ്റവും മികച്ചതെന്ന് കരുതി അഭിമാനിക്കരുത്. ഇനിയും പുതിയ ഉയരങ്ങൾ തേടൂ.- കമൽഹാസൻ കുറിച്ചു. ലക്ഷ്വറി വാച്ച് ബ്രാൻഡ‍ായ പാനെറായി ആണ് താരം ശങ്കറിന് സമ്മാനിച്ചത്. ഈ വാച്ചിന്‍റെ തുടക്ക വില തന്നെ 4 ലക്ഷത്തിലാണ് ആരംഭിക്കുന്നത്.

എന്തായാലും ആരാധകരെ ആവേശത്തിലാക്കുകയാണ് കമൽഹാസന്റെ ട്വീറ്റ്. ഇന്ത്യൻ 2 വിനെക്കുറിച്ചുള്ള പ്രതീക്ഷ ഉയർത്തുന്നതാണ് താരത്തിന്റെ വാക്കുകൾ എന്നാണ് ആരാധകർ പറയുന്നത്. അതിനിടെ ചിത്രത്തില്‍ കമലിന്‍റെ ഭാഗങ്ങള്‍ തീര്‍ന്നുവെന്ന് റിപ്പോർട്ടുകളുണ്ട്. 2018ലാണ് ഇന്ത്യൻ 2 പ്രഖ്യാപിക്കുന്നത്. എന്നാൽ പലകാരണങ്ങൾകൊണ്ട് ചിത്രത്തിന്റെ ഷൂട്ടിങ് തടസപ്പെടുകയായിരുന്നു. ലോകേഷ് കനകരാജിന്റെ വിക്രം സൂപ്പർഹിറ്റായതോടെയാണ് ഇന്ത്യൻ 2 വീണ്ടും ആരംഭിച്ചത്. 1996 പുറത്തിറങ്ങിയ ചിത്രത്തിന്റെ ആദ്യ ഭാ​ഗം വൻ വിജയമായിരുന്നു. 

ഈ വാര്‍ത്ത കൂടി വായിക്കൂ  

'ഇവിടെ ‍ഞാൻ പറയുമ്പോൾ പകൽ, ഞാൻ പറയുമ്പോൾ രാത്രി'; ആവേശമായി ‘കിങ് ഓഫ് കൊത്ത’ ടീസർ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ