തെന്നിന്ത്യൻ സിനിമാ പ്രേക്ഷകർ ഒന്നടങ്കം കാത്തിരുന്ന ഒന്നാണ് ത​ഗ് ലൈഫ് ട്രെയ്‍ലർ. 35 വർഷങ്ങൾക്ക് ശേഷം മണിരത്നവും കമൽ ഹാസനും ഒന്നിച്ചെത്തുന്നതു കൊണ്ട് തന്നെ ചിത്രത്തിൽ വൻ പ്രതീക്ഷയാണ് ആരാധകർക്കുള്ളത്. ഇപ്പോഴിതാ ചിത്രത്തിന്റെ ട്രെയ്‌ലർ‌ എത്തിയിരിക്കുകയാണ്. കോളിവുഡിലെ ഈ വർഷത്തെ ഏറ്റവും വലിയ ഹിറ്റായിരിക്കും ചിത്രമെന്നാണ് ട്രെയ്‌ലർ നൽകുന്ന സൂചന.

കമൽ ഹാസന്റെ വ്യത്യസ്ത ​ഗെറ്റപ്പുകൾ തന്നെയാണ് ട്രെയ്‌ലറിന്റെ ഹൈലൈറ്റ്. തൃഷയാണ് ചിത്രത്തിൽ നായികയായെത്തുന്നത്. ചിമ്പുവും ചിത്രത്തിൽ പ്രധാന വേഷത്തിലെത്തുന്നുണ്ട്. അശോക് സെൽവൻ, ഐശ്വര്യ ലക്ഷ്മി, ജോജു ജോർജ്, അഭിരാമി, നാസർ തുടങ്ങിയവരും ചിത്രത്തിൽ സുപ്രധാന കഥാപാത്രങ്ങളായെത്തുന്നുണ്ട്.

സാമന്തയും രാജും തമ്മിൽ പ്രണയത്തിൽ? ഒടുവിൽ മൗനം വെടിഞ്ഞ് രാജിന്റെ ഭാര്യ

എആർ റഹ്മാൻ ആണ് ചിത്രത്തിന് സം​ഗീതമൊരുക്കിയിരിക്കുന്നത്. ജൂൺ അഞ്ചിനാണ് ചിത്രം തിയറ്ററുകളിലെത്തുക. മദ്രാസ് ടാക്കീസും രാജ് കമൽ ഇന്റർനാഷണലും ചേർന്നാണ് ചിത്രം നിർമിച്ചിരിക്കുന്നത്.