തമിഴ്നാട് മുൻ മുഖ്യമന്ത്രി ജയലളിതയുടെ ജീവിതകഥ പറയുന്ന 'തലൈവി'യിലെ ആദ്യ ​ഗാനമെത്തി. 'ഇല, ഇല...' എന്നുതുടങ്ങുന്ന ​ഗാനം അതിമനോഹരമായ പശ്ചാതലത്തിൽ ചിത്രീകരിച്ചൊരുക്കിയിരിക്കുകയാണ്. പാട്ടിലുടനീളം നിറഞ്ഞാടുകയാണ് കങ്കണ. ജയലളിതയുടെ സുവർണ്ണകാലഘട്ടമാണ് ​ഗാനരം​ഗത്തിൽ ചിത്രീകരിച്ചിരിക്കുന്നത്. 

ജി വി പ്രകാശ് കുമാർ ഒരുക്കിയ പാട്ട് ആലപിച്ചിരിക്കുന്ന സൈന്ദവി പ്രകാശാണ്. സിരാ സിരി ആണ് വരികൾ എഴുതിയിരിക്കുന്നത്. ജയലളിതയുടെ ആദ്യ സിനിമയിലേത് മുതലുള്ള ലുക്കുകളിൽ കങ്കണ ഈ ​ഗാനരം​ഗത്തിൽ എത്തുന്നുണ്ട്. 

എ എൽ വിജയ് സംവിധാനം ചെയ്യുന്ന ‘തലൈവി’ തമിഴിലും ഹിന്ദിയിലുമായായിരിക്കും പുറത്തിറങ്ങുക. ചിത്രത്തിൽ എം.ജി.ആർ. ആയി അരവിന്ദ് സാമി എത്തുന്നു.