കാർത്തിയുടെ ഹിറ്റ് ചിത്രങ്ങളിൽ ഒന്നായിരുന്നു സർദാർ. ചിത്രത്തിന് രണ്ടാം ഭാ​ഗമൊരുങ്ങുന്നുവെന്ന് നേരത്തെ തന്നെ റിപ്പോർട്ടുകൾ വന്നിരുന്നു. ഇപ്പോഴിതാ സർദാർ 2 വിന്റെ പൂജ നടന്നിരിക്കുകയാണ്. കാർത്തിയുൾപ്പെടെയുള്ളവർ പൂജ ചടങ്ങിൽ പങ്കെടുത്തിരുന്നു. ഈ മാസം 15 ന് ചെന്നൈയിൽ വച്ച് ചിത്രത്തിന്റെ ചിത്രീകരണം തുടങ്ങും.

അതേസമയം സര്‍ദാര്‍ 2വിൽ കാര്‍ത്തിക്കൊപ്പം ആരൊക്കെ ഉണ്ടാകുമെന്ന കാര്യം വ്യക്തമല്ല. പി എസ് മിത്രനാണ് ചിത്രം സംവിധാനം ചെയ്യുന്നത്. പ്രിന്‍സ് പിക്‌ചേഴ്‌സിന്റെ ബാനറില്‍ ആണ് ചിത്രം പ്രേക്ഷകരിലേക്കെത്തുക. സർദാറിൽ വേറിട്ട ​ഗെറ്റപ്പുകളിലെത്തിയ കാർത്തി ചിത്രത്തില്‍ മികച്ച പ്രകടനം നടത്തുകയും പ്രേക്ഷകർ ഏറ്റെടുക്കുകയും ചെയ്‍തിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ബോളിവുഡ് നടനായിരിക്കും സർദാർ 2 വിൽ വില്ലനായെത്തുക. യുവൻ ശങ്കർ രാജയാണ് സംഗീത സംവിധാനമൊരുക്കുന്നത്. അടുത്ത വർഷം ചിത്രം തിയറ്ററുകളിലെത്തും. മെയ്യഴകൻ, വാ വാതിയാർ എന്നീ ചിത്രങ്ങളാണ് കാർത്തിയുടേതായി റിലീസിനൊരുങ്ങുന്നത്.