രാജ്യത്താകെ തരം​ഗം തീർക്കുകയാണ് കന്നഡ ചിത്രം കെജിഎഫ് 2. ഹിന്ദിയിൽ ഉൾപ്പടെ എല്ലാ ഭാഷകളിലും വൻ മുന്നേറ്റമാണ് ചിത്രം നടത്തുന്നത്. ഇപ്പോൾ മറ്റൊരു നേട്ടം കൂടി സ്വന്തമാക്കിയിരിക്കുകയാണ് ചിത്രം. കെജിഎഫ് 2 ഹിന്ദി പതിപ്പിന്റെ ബോക്സ് ഓഫിസ് കളക്ഷൻ 300 കോടി കടന്നിരിക്കുകയാണ്. 

 'ബാഹുബലി 2'ന് ശേഷം ഇതാദ്യമായാണ് ഒരു തെന്നിന്ത്യൻ ചിത്രത്തിന്റെ ഹിന്ദി പതിപ്പ് ഈയൊരു നേട്ടം സ്വന്തമാക്കുന്നത്. ഇതോടെ മുന്നൂറ് കോടിയിലധികം കളക്ഷൻ നേടുന്ന പത്താമത്തെ ചിത്രമായിരിക്കുകയാണ് കെജിഎഫ് 2. ദം​ഗൽ, ബജ്രം​ഗി ഭായ്ജാൻ, പികെ തുടങ്ങിയവയാണ് 300 കോടി തൊട്ട ഹിന്ദി സിനിമകൾ. കെജിഎഫ് റിലീസ് ചെയ്ത് 11ാം ദിവസത്തിലാണ് ഈ നേട്ടം കൈവരിച്ചത്. ലോകവ്യാപക കളക്ഷനിൽ 800 കോടി കഴിഞ്ഞ ദിവസമാണ് കെജിഎഫ് തൊട്ടത്. 

പ്രകാശ് നീൽ സംവിധാനം ചെയ്ത ​ഗ്യാങ്സ്റ്റർ ആക്ഷൻ ത്രില്ലറിൽ യഷാണ് നായകനായി എത്തിയത്. കേരളത്തിലും ചിത്രം മികച്ച നേട്ടമാണ് സ്വന്തമാക്കിയത്. കേരളത്തില്‍ ഏത് ഭാഷാ ചിത്രവും എക്കാലത്തും നേടുന്ന ഏറ്റവും മികച്ച റിലീസ് ദിന കളക്ഷന്‍ നിലവില്‍ 'കെജിഎഫ് 2'ന്‍റെ പേരിലാണ്. വിജയ് കിരഗന്ദുറാണ് ചിത്രം നിര്‍മിച്ചത്. ഹൊംബാളെ ഫിലിംസിന്റെ ബാനറിലാണ് ചിത്രത്തിന്റെ നിര്‍മാണം. 'കെജിഎഫ് 2' ചിത്രത്തിന്റെ ചിത്രസംയോജനം നിര്‍വഹിക്കുന്നത് ഉജ്വല്‍ കുല്‍ക്കര്‍ണി. സഞ്‍ജയ് ദത്താണ് ചിത്രത്തില്‍ വില്ലനായി എത്തിയത്.