രാജമൗലി ചിത്രം ഈച്ചയിലൂടെ ശ്രദ്ധ നേടിയ കിച്ച സുദീപ് നായകനായ കന്നഡ ചിത്രം 'വിക്രാന്ത് റോണ' ബോക്‌സ് ഓഫീസിൽ കുതിപ്പ് തുടരുന്നു. റിലീസിന് എത്തി നാലാം ദിവസത്തിലേക്ക് എത്തുമ്പോൾ നൂറ് കോടിയോട് അടുക്കുകയാണ് ചിത്രത്തിന്റെ കളക്ഷൻ. വിക്രാന്ത് റോണയുടെ മൂന്ന് ദിവസത്തെ കളക്ഷൻ 85 കോടിക്ക് അടുത്താണ്. 

95 കോടിയാണ് വിക്രാന്ത് റോണയുടെ ബജറ്റ്. നാല് ദിവസത്തിനകം തന്നെ സിനിമ ഈ തുക കളക്ട് ചെയ്യും. നാലാം ദിവസമായ ഇന്നത്തെ കളക്ഷൻ എത്തുന്നതോടെ നൂറ് കോടി ക്ലബിൽ ചിത്രം ഇടം നേടുമെന്നാണ് വിലയിരുത്തൽ. 

അനൂപ് ഭണ്ഡാരി സംവിധാനം ചെയ്യുന്ന ചിത്രം ഒരു ഫാൻ്റസി ആക്ഷൻ ചിത്രമാണ്. പൂർണമായും 3 ഡി യിൽ ഒരുക്കിയ ചിത്രം കന്നഡയ്ക്ക് പുറമേ മലയാളം, ഇം​​ഗ്ലീഷ്, ഹിന്ദി ഭാഷകളിലാണ് പുറത്തെത്തിയിരിക്കുന്നത്. ശാലിനി ജാക്ക് മഞ്ജുവും അലങ്കാർ പാണ്ട്യനും ചേർന്നാണ് ചിത്രം നിർമ്മിക്കുന്നത്. സുദീപിൻ്റെ കിച്ച ക്രിയേഷൻസും നിർമ്മാണത്തിൽ പങ്കാളിയാണ്. ദുൽഖർ സൽമാനാന്റെ വേഫൈറർ ഫിലിംസാണ് ചിത്രം കേരളത്തിലെത്തിക്കുന്നത്. 

ഈ വാർത്ത കൂടി വായിക്കൂ

'അറിയാതെ എന്നെ വേദനിപ്പിക്കുന്നവരോട് ക്ഷമിക്കും, അറിഞ്ഞുകൊണ്ടാണെങ്കിൽ അവർ തീർന്നു'; ദീപ തോമസ്

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ