ഓണത്തിന് തിയറ്ററുകളിലെന്നപോലെ ഒടിടിയിലും കാത്തിരുന്ന നിരവധി സിനിമകളാണ് എത്തുന്നത്. തിയറ്ററിൽ വലിയ വിജയം നേടിയ കുഞ്ചാക്കോ ബോബന്റെ ‘ന്നാ താൻ കേസ് കൊട്’ ആണ് തുരുവോണനാളിലെ പ്രധാന റിലീസുകളിലൊന്ന്. ഇതിനു പുറമേ സുരേഷ് ​ഗോപിയുടെ പാപ്പൻ, തെലുങ്ക് ചിത്രം വിക്രാന്ത് റോണ, ജോൺ എബ്രഹാം ചിത്രം ഏക് വില്ലൻ റിട്ടേൺസ്, പ്രിയൻ ഓട്ടത്തിലാണ് തുടങ്ങിയവയും ദുൽഖർ സൽമാൻ നായകനായ സിതാരാമവും ഓണത്തിന് ഒടിടിയിലൂടെ പ്രേക്ഷകരിലേക്കെത്തും. 

സെപ്റ്റംബർ എട്ട്, തിരുവോണ ദിവസം ഡിസ്നി പ്ലസ് ഹോട്ട്സ്റ്റാറിലൂടെയാണ്  ‘ന്നാ താൻ കേസ് കൊട്’ ഒടിടിയിലെത്തുക. പാപ്പൻ സീ5 പ്ലാറ്റ്ഫോമിലൂടെ സെപ്റ്റംബർ ഏഴിന് എത്തും. പ്രിയൻ ഓട്ടത്തിലാണ്, വിക്രാന്ത് റോണ എന്നീ ചിത്രങ്ങൾ ഓണം പ്രമാണിച്ച് ഇതിനോടകം റിലീസ് ചെയ്തുകഴിഞ്ഞു. കഴിഞ്ഞ വെള്ളിയാഴ്ച ഇരു ചിത്രങ്ങളും ഒടിടിയിൽ എത്തിയത്. സീ5ലാണ് വിക്രാന്ത് റോണ കാണാനാകുക.  

ദുൽഖർ ചിത്രം സിതാരാമം വെള്ളിയാഴ്ച ആമസോൺ പ്രൈമിൽ എത്തും. ചിത്രത്തിന്റെ മലയാളം, തമിഴ് ഡബ്ബ് വേർഷനുകൾ പ്രേക്ഷകർക്ക് കാണാനാകും. സെപ്റ്റംബർ 11ന് നെറ്റ്ഫ്ലിക്സിലാണ് തല്ലുമാലയുടെ റിലീസ്. 

ഈ വാര്‍ത്ത കൂടി വായിക്കൂ 

ജയം രവി-കീർത്തി സുരേഷ് ചിത്രത്തിൽ അനുപമ പരമേശ്വരനും; 'സൈറൺ' 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്‌. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ