പ്രിയ താരങ്ങൾക്കൊപ്പം കുറച്ച് സമയം ചെലവഴിക്കുക എന്നത് പലരുടേയും സ്വപ്നമായിരിക്കും. എന്നാൽ മുന്നിൽ നിൽക്കുന്നത് സൂപ്പർതാരമാണെന്ന് അറിയാതെ മമ്മൂട്ടിയുടെ കൂടെക്കൂടിയ ഒരു കുഞ്ഞിന്റെ വിഡിയോ ആണ് ശ്രദ്ധ നേടുന്നത്. മമ്മൂട്ടിയുടെ പുതിയ ചിത്രം കാതലിന്റെ ലൊക്കേഷനിൽ അമ്മ സിൻസി അനിലിനൊപ്പമാണ് കുഞ്ഞ് ഇവ എത്തിയത്. 

മമ്മൂട്ടിയുടെ അടുത്തു നിന്നു മാറാതെ നിൽക്കുന്ന ഇവയെയാണ് വിഡിയോയിൽ കാണുന്നത്. ചേർന്നു നിന്നും ഓടി ചെന്ന് ചെവിയിൽ സ്വകാര്യം പറഞ്ഞും ഇവ സൂപ്പർതാരത്തിനോടൊപ്പം കൂടി. സോഷ്യൽ മീഡിയയിലൂടെ സിൻസി അനിലാണ് മമ്മൂട്ടിക്കൊപ്പമുള്ള മകളുടെ വിഡിയോ പങ്കുവച്ചത്. അവളെ തലോടുന്നതും ചിരിപ്പിക്കുന്നതും ആയ ആ വ്യക്തിത്വം ആരാണെന്നും എന്താണെന്നും ഇന്ന് തന്റെ മകൾക്ക് അറിയില്ല എന്നാണ് സിൻസി കുറിക്കുന്നത്. ഇവയ്ക്കും ലൊക്കേഷനിലെത്തിയ മറ്റു കുട്ടികൾക്കും മമ്മൂട്ടി മിഠായി കൊടുക്കുന്നതും വിഡിയോയിലുണ്ട്. 

സിൻസി അനിലിന്റെ കുറിപ്പ്

ഇന്നെന്റെ മകൾക്കു അറിയില്ല... അവൾ ചേർന്ന് നിൽക്കുന്നതും ഓടി ചെന്ന് ചെവിയിൽ സ്വകാര്യം പറയുന്നതും അവളെ തലോടുന്നതും ചിരിപ്പിക്കുന്നതും ആയ ആ വ്യക്തിത്വം ആരാണെന്നും എന്താണെന്നും...
നാളെ അവളിത് അഭിമാനത്തോടെ കാണും..ജീവിതയാത്രയിൽ  ഒരു നിധി പോലെ സൂക്ഷിക്കും...
ഈ വീഡിയോ പകർത്തുമ്പോൾ എനിക്ക് അവളുടെ പ്രായത്തിലേക്ക് ഒന്ന് മടങ്ങി പോകനായിരുന്നുവെങ്കിലെന്നു ആത്മാർഥമായി ആഗ്രഹിച്ചു പോയി..

ഈ വാർത്ത കൂടി വായിക്കൂ 

'ബോഡി ഷെയ്മിങ്ങിന്റെ എക്‌സ്ട്രീം ലെവലിലാണ്, പരാതി കൊടുക്കേണ്ട അവസ്ഥയാണ്'; ഹണി റോസ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ