ഹൈദരബാദ്: അവതാര്‍ 2 സിനിമ കാണുന്നതിനിടെ യുവാവ് ഹൃദയാഘാതത്തെ തുടര്‍ന്ന് മരിച്ചു. 42കാരനായ ലക്ഷ്മി റെഡ്ഡി ശ്രീനു എന്നയാളാണ് മരിച്ചത്. ആന്ധ്രാപ്രദേശിലെ കാക്കിനാഡ ജില്ലയിലെ പെഡ്ഡപുരത്താണ് സംഭവം. സഹോദരനൊപ്പമാണ് ഇയാള്‍ തീയേറ്ററില്‍ എത്തിയത്.

സിനിമ കാണുന്നതിനിടെ ഇയാള്‍ കുഴഞ്ഞുവീഴുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും അപ്പോഴെക്കും മരിച്ചിരുന്നു. വിവാഹിതനായ ലക്ഷ്മി റെഡ്ഡിക്ക് ഒരു മകനും മകളുമുണ്ട്

2010ല്‍ പുറത്തിറങ്ങിയ അവതാര്‍ സിനിമ കാണുന്നതിനിടെ തായ് വാനില്‍ 42കാരന്‍ ഹൃദയാഘാതത്തെ തുടര്‍ന്ന് മരിച്ചിരുന്നു. സിനിമ കാണുന്നതിനുള്ള അമിത ആവേശത്തില്‍ രക്തസമ്മര്‍ദ്ദമുണ്ടായതാണ് ഹൃദയാഘാതത്തിന് കാരണമായതെന്നാണ് ഡോക്ടര്‍മാര്‍ പറഞ്ഞത്.

ഈ വാര്‍ത്ത കൂടി വായിക്കൂ 

മുറുക്കിച്ചുവപ്പിച്ച ചുണ്ടുകൾ, കയ്യിൽ കുപ്പിവള, ചുവന്ന പൊട്ട്; ബം​ഗാളി സൗന്ദര്യം നിറച്ച് അനശ്വര രാജൻ; വൈറൽ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ