തമിഴ് സൂപ്പർതാരം രജനീകാന്തിന് ആദ്യമായി നേരിട്ട് കണ്ടതിന്റെ സന്തോഷം പങ്കുവച്ച് നടനും സംവിധായകനുമായി മധു വാര്യർ. സോഷ്യൽ മീഡിയയിൽ പങ്കുവച്ച വിഡിയോയിലൂടെയാണ് തന്റെ സ്വപ്നം യാഥാർത്ഥ്യമായ വിവരം താരം പങ്കുവച്ചത്. സഹോദരി മഞ്ജു വാര്യരാണ് മധുവിന്റെ സ്വപ്നം യാഥാർത്ഥ്യമാക്കിയത്.

രജനീകാന്തിന്റെ പുതിയ ചിത്രമായ ‘വേട്ടയ്യനിൽ മഞ്ജു വാര്യരാണ് നായികയായി എത്തുന്നത്. ഇതേ സിനിമയുടെ ചെന്നൈയിലെ സെറ്റിൽ വച്ചാണ് മധു വാരിയർ തന്റെ ഇഷ്ടതാരത്തെ നേരിട്ടുകണ്ടത്. രജനിയെ കാണാനുള്ള തന്റെ യാത്ര ഉൾപ്പെടുത്തിക്കൊണ്ടുള്ളതാണ് വിഡിയോ.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

രജനികാന്തിന്റെ 170ാം ചിത്രമായ വേട്ടയ്യൻ സംവിധാനം ചെയ്യുന്നത് ടിജി ജ്ഞാനവേലാണ്. വൻ താരനിരയിലാണ് ചിത്രം എത്തുന്നത്. ഫഹദ് ഫാസിൽ ചിത്രത്തിൽ പ്രധാന വേഷത്തിലെത്തുന്നുണ്ട്. അമിതാഭ് ബച്ചൻ, റാണ ദഗുബാട്ടി, കിഷോർ, റിതിക സിങ്, ദുഷാര വിജയൻ തുടങ്ങിയവരാണ് മറ്റു താരങ്ങൾ. ജയ് ഭീം എന്ന ചിത്രത്തിനു ശേഷം ജ്ഞാനവേൽ സംവിധാനം ചെയ്യുന്ന ചിത്രം കൂടിയാണിത്. എസ്.ആർ. കതിര്‍ ആണ് ഛായാഗ്രഹണം. സംഗീതം അനിരുദ്ധ്. ആക്‌ഷൻ അൻപറിവ്.