ലോകമെമ്പാടും ആരാധകരുള്ള ഡിസ്‌നി ചിത്രമാണ് ലയൺ കിങ്. ഇപ്പോഴിതാ ലയൺ കിങിന്റെ പ്രീക്വൽ ഒരുങ്ങുകയാണ്. മുഫാസ: ദ് ലയൺ കിങ് എന്നാണ് സിനിമയ്ക്ക് പേരിട്ടിരിക്കുന്നത്. സിംബയുടെ അച്ഛൻ മുഫാസയുടെ കഥ പറയുന്ന സിനിമയുടെ ട്രെയ്‌ലർ ഇപ്പോൾ പുറത്തുവന്നിരിക്കുകയാണ്.

അനാഥനായ മുഫാസ എങ്ങനെ കാടിനെ അടക്കിവാഴുന്ന രാജാവ് ആയി മാറിയെന്നതാണ് കഥ. സിംബയുടെ മകൻ കിയാരയോട് മുഫാസയുടെയും സ്‌കാറിന്റെയും കഥ റാഫിക്കി വിവരിക്കുന്നിടത്ത് നിന്നാണ് ട്രെയ്‌ലർ തുടങ്ങുന്നത്. ചിത്രത്തിൽ മുഫാസയ്ക്കു ശബ്ദം നൽകുന്നത് ഹോളിവുഡ് താരം ആരോൺ പിയെറെയാണ്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

ഓസ്‌കാർ ജേതാവ് ബാരി ജെങ്കിൻസ് ആണ് മുഫാസ: ദ് ലയൺ കിങ് സംവിധാനം ചെയ്യുന്നത്. ജെഫ് നഥാൻസൺ ആണ് ചിത്രത്തിന് തിരക്കഥ ഒരുക്കുന്നത്. മുഫാസ: ദ് ലയൺ കിംങ് ഡിസംബർ 20ന് തിയറ്ററുകളിലെത്തും.