ഭാര്യ മോണിക്ക റിച്ചാർഡുമായി വിവാഹബന്ധം വേർപെടുത്തിയ വിവരം തുറന്നു പറഞ്ഞ് തെന്നിന്ത്യൻ സം​ഗീതസംവിധായകൻ ഡി ഇമ്മൻ. കഴിഞ്ഞ വർഷം നവംബറിലാണ് ഇരുവരും ഡിവോഴ്സ് ആയത്. ഇമ്മൻ തന്നെയാണ് സമൂഹമാധ്യമങ്ങളിലൂടെ ഇക്കാര്യം ഔദ്യോഗികമായി അറിയിച്ചത്. പരസ്പര സമ്മതപ്രകാരമാണ് വേർപിരിയുന്നതെന്നും തങ്ങളുടെ സ്വകാര്യതയെ മാനിക്കണമെന്നും അദ്ദേഹം കുറിച്ചു. 

ഞങ്ങൾ ഭാര്യയും ഭർത്താവുമല്ല

ഇതുവരെ എന്നെ പിന്തുണച്ച എന്റെ വെൽവിഷേഴ്സിനും സം​ഗീതപ്രേമികളോടും നന്ദി. ഞാനും മോണിക്ക റിച്ചാര്‍ഡും പരസ്പര സമ്മതപ്രകാരം 2020 നവംബര്‍ മുതല്‍ നിയമപരമായി വിവാഹമോചിതരായവരാണ്. ഇനി ഞങ്ങൾ ഭാര്യയും ഭർത്താവുമല്ല. ഞങ്ങളുടെ സ്വകാര്യതയെ എല്ലാവരും മാനിക്കണമെന്നും മുന്നോട്ടുപോവാൻ സഹായിക്കണമെന്നും ഞങ്ങളെ സ്നേഹിക്കുന്നവരോടും മാധ്യമങ്ങളോട് അഭ്യർത്ഥിക്കുന്നു. മനസിലാക്കുന്നതിനും സ്നേഹിക്കുന്നതിനും പിന്തുണയ്ക്കുന്നതിനും നന്ദി- ഇമ്മൻ കുറിച്ചു. 

13 വർഷത്തെ ദാമ്പത്യം

13 വർഷം നീണ്ടു നിൽക്കുന്നദാമ്പത്യബന്ധമാണ് ഇരുവരും അവസാനിപ്പിച്ചത്. 2008ലാണ് ഇമ്മനും മോണിക്കയും വിവാഹമോചിതരായത്. ഇവർക്ക് രണ്ട് പെൺമക്കളാണ്. വെറോണിക്കയും ബ്ലെസിക്കയും. തമിഴൻ’ എന്ന ചിത്രത്തിലൂടെയാണ് ഡി.ഇമ്മൻ സംഗീതരംഗത്തു ചുവടുറപ്പിച്ചത്. രജനികാന്ത് ചിത്രം ‘അണ്ണാത്തേ’യ്ക്കു വേണ്ടി ഈണമൊരുക്കിയത് ഡി.ഇമ്മൻ ആണ്.