മുംബൈ: ഇസ്രയേലില്‍ കുടുങ്ങിയ ബോളിവുഡ് നടി നുസ്രത്ത് ബറൂച്ച ഇന്ത്യയിലേക്ക് സുരക്ഷിതമായി തിരിച്ചെത്തി. മുംബൈ വിമാനത്താവളത്തില്‍ നിന്നുള്ള താരത്തിന്റെ വിഡിയോ പുറത്തുവന്നു. എന്നാല്‍ ഇസ്രയേലിലുണ്ടായ ആക്രമണങ്ങളെക്കുറിച്ച് പ്രതികരിക്കാന്‍ താരം തയാറായില്ല. 

പിങ്ക് കോ-ഡോർ സെറ്റ് ധരിച്ചാണ് നുസ്രത്ത് ബറൂച്ച എത്തിയത്. ക്ഷീണിതയായാണ് താരത്തെ വിഡിയോയിൽ കാണുന്നത്. പ്രതികരണങ്ങൾ അറിയാൻ മാധ്യമങ്ങൾ താരത്തെ സമീപിച്ചെങ്കിലും സംസാരിക്കാൻ താരം തയാറായില്ല. 

സെപ്റ്റംബര്‍ 28 മുതല്‍ ഒക്ടോബര്‍ 7 വരെ ഇസ്രയേലില്‍ നടക്കുന്ന ഹൈഫ അന്താരാഷ്ട്ര ഫിലിം ഫെസ്റ്റിവലില്‍ പങ്കെടുക്കാനായാണ് താരം ഇസ്രയേലില്‍ എത്തിയത്. ഹമാസ് ആക്രമണത്തിനു പിന്നാലെ ഇന്നലെ ഉച്ച മുതലാണ് ഇസ്രയേലിലുള്ള നുസ്രത്തുമായുള്ള ബന്ധം വിച്ഛേദിക്കപ്പെട്ടത്. ഉച്ചയ്ക്ക് 12.30 ന് ബന്ധപ്പെടുമ്പോള്‍ സുരക്ഷിതമായി ബേസ്‌മെന്റിലായിരുന്നു താരം. എന്നാല്‍ പിന്നീട് ബന്ധപ്പെടാന്‍ കഴിയാതിരുന്നത് ആശങ്ക സൃഷ്ടിച്ചിരുന്നു.

ഈ വാർത്ത കൂടി വായിക്കൂ

പിങ്ക് സാരിയില്‍ അതിമനോഹരിയായി സാമന്ത: വൈറലായി ചിത്രങ്ങള്‍​

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ