വിജയരാഘവൻ ടൈറ്റിൽ കഥാപാത്രമായെത്തിയ ചിത്രമായിരുന്നു ഔസേപ്പിന്‍റെ ഒസ്യത്ത്. ഔസേപ്പിന്റെയും മൂന്ന് ആൺമക്കളുടെയും കഥയാണ് ചിത്രം പറഞ്ഞത്. മാര്‍ച്ച് 7 നായിരുന്നു ചിത്രം തിയേറ്ററുകളിലെത്തിയത്. മികച്ച നിരൂപക പ്രശംസ നേടിയെങ്കിലും ചിത്രത്തിന് തിയറ്ററുകളിൽ വലിയ വിജയം നേടാൻ കഴിഞ്ഞില്ല. ഇപ്പോഴിതാ രണ്ട് മാസത്തിനിപ്പുറം ചിത്രം ഒടിടിയില്‍ പ്രദര്‍ശനം ആരംഭിച്ചിരിക്കുകയാണ്.

ആമസോണ്‍ പ്രൈം വിഡിയോയിലൂടെയാണ് ചിത്രം സ്ട്രീം ചെയ്യുന്നത്. ദിലീഷ് പോത്തൻ, കലാഭവൻ ഷാജോൺ, ഹേമന്ത് മേനോൻ തുടങ്ങിയവരാണ് ചിത്രത്തിലെ മറ്റ് പ്രധാന വേഷങ്ങളിൽ അഭിനയിച്ചത്. നവാഗതനായ ശരത്ചന്ദ്രൻ ആ‍ർ ജെ ആണ് ഔസേപ്പിന്‍റെ ഒസ്യത്ത് സംവിധാനം ചെയ്തിരിക്കുന്നത്. മെയ്ഗൂർ ഫിലിംസിന്റെ ബാനറിൽ എഡ്‍വേർഡ് അന്തോണിയാണ് ചിത്രത്തിന്‍റെ നിർമാണം.

എന്താണ് 'ടോർപിഡോ'? തരുൺ മൂർത്തിയുടെ പുതിയ ചിത്രം കടലിന്റെ മക്കളെക്കുറിച്ചോ?

ഫസൽ ഹസൻ രചന നിർവഹിച്ചിരിക്കുന്ന ചിത്രത്തിന് അരവിന്ദ് കണ്ണാ ബിരൻ ആണ് ഛായാഗ്രഹണം ഒരുക്കിയിരിക്കുന്നത്. ബി അജിത് കുമാറാണ് ചിത്രത്തിന്റെ എഡിറ്റിങ് കൈകാര്യം ചെയ്യുന്നത്. സുമേഷ് പരമേശ്വർ, അക്ഷയ് മേനോൻ എന്നിവരാണ് സംഗീതം. ലെന, ജോജി മുണ്ടക്കയം, കനി കുസൃതി, സെറിൻ ഷിഹാബ് തുടങ്ങിയവരും ചിത്രത്തിൽ അഭിനയിച്ചിട്ടുണ്ട്.