ബോളിവുഡ് നടി പരിനീതി ചോപ്രയും എഎപി എംപി രാഘവ് ഛദ്ദയും പ്രണയത്തിലാണെന്ന അഭ്യൂഹങ്ങള് പ്രചരിക്കാന് തുടങ്ങിയിട്ട് നാളുകളായി. അടുത്തിടെ ഇരുവരും പൊതുസ്ഥലത്ത് ഒന്നിച്ച് പ്രത്യക്ഷപ്പെട്ടതോടെ ബോളിവുഡ് ലോകത്തെ പ്രധാന ചര്ച്ചയായിരിക്കുകയാണ് ഈ പ്രണജോഡികള്. ഇപ്പോള് ഇരുവരും വിവാഹിതരാകാന് ഒരുങ്ങുന്നതായാണ് പുറത്തുവരുന്ന വാര്ത്തകള്.
ഇരുവരുടേയും വീട്ടുകാര് വിവാഹത്തിനുള്ള സമയം നോക്കിത്തുടങ്ങിയെന്നാണ് മാധ്യമങ്ങള് റിപ്പോര്ട്ട് ചെയ്തത്. ഇപ്പോള് നടനും ഗായകനുമായ ഹര്ഡി സന്ധുവിന്റെ വാക്കുകളാണ് വൈറലാവുന്നത്. വിവാഹം വൈകാതെയുണ്ടാകും എന്നാണ് കോഡ് നെയിം; തിരങ്ക സിനിമയില് പരിണിതിക്കൊപ്പം അഭിനയിച്ച ഹര്ദി സന്ധു വ്യക്തമാക്കിയത്.
ഇത് അവസാനം സംഭവിക്കുന്നതില് സന്തോഷമുണ്ട്. ഞാന് അവളെ ആശംസ അറിയിച്ചിരുന്നു. കോഡ് നെയിം സിനിമയുടെ ഷൂട്ടിങ്ങിനിടെ വിവാഹത്തേക്കുറിച്ചെല്ലാം ഞങ്ങള് സംസാരിക്കുമായിരുന്നു. തനിക്ക് ചേരുന്ന ഒരാളെ കണ്ടെത്തിയാലെ വിവാഹം കഴിക്കൂ എന്നാണ് പരിനീതി പറഞ്ഞിരുന്നത്. ഫോണ് വിളിച്ച് പരിണിതിയെ ആശംസകള് അറിയിച്ചെന്നും ഹര്ഡി വ്യക്തമാക്കി.
ലണ്ടന് സ്കൂള് ഓഫ് ഇക്കണോമിക്സിലാണ് പരിണിതിയും രാഘവും പഠിച്ചത്. മാര്ച്ച് 22നാണ് ഇരുവരും ഒന്നിച്ച് പൊതുസ്ഥലത്ത് പ്രത്യക്ഷപ്പെട്ടത്. അതിനു പിന്നാലെ എഎപി എംപി രാജീവ് അറോറ ഇരുവര്ക്കും ആശംസകളുമായി എത്തിയിരുന്നു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates