മലയാളികൾക്ക് എന്നും പ്രത്യേക ഇഷ്ടമുള്ള നടൻമാരിലൊരാളാണ് പ്രണവ് മോഹൻലാൽ. പ്രണവിന്റെ യാത്രാ ചിത്രങ്ങൾക്കും വിഡിയോകൾക്കുമൊക്കെ നിരവധി ആരാധാകരാണുള്ളത്. ഇപ്പോഴിതാ പ്രണവിന്റെ ഒരു വിഡിയോ ആണ് സോഷ്യൽ മീഡിയയിൽ വൈറലാകുന്നത്. വിമാനത്താവളത്തിലേക്കുള്ള യാത്രയില്‍ പിന്തുടര്‍ന്ന് ആരാധകര്‍ പകര്‍ത്തിയ വിഡിയോയാണ് സോഷ്യൽ മീഡിയയിൽ പ്രചരിക്കുന്നത്.

യാത്രയില്‍ പ്രണവിനൊപ്പം അമ്മ സുചിത്രയും ഉണ്ടായിരുന്നു. 'ലാലേട്ടനാണെന്ന് വിചാരിച്ച് വണ്ടിയുടെ പുറകില്‍ പോയതാ... പക്ഷേ അപ്പു', എന്ന ക്യാപ്ഷനോടെയാണ് യൂട്യൂബില്‍ വിഡിയോ പ്രത്യക്ഷപ്പെട്ടത്. ആരാധകര്‍ തോളില്‍ കൈവെച്ച് ഫോട്ടോയെടുക്കമ്പോള്‍ ക്ഷമയോടെ നിന്ന നടനെ പ്രകീര്‍ത്തിച്ച് വിഡിയോയ്ക്ക് താഴെ കമന്റുകള്‍ നിറഞ്ഞു. 'ഇങ്ങനെയും പാവം ഉണ്ടാവുമോ' എന്നായിരുന്നു ഒരു കമന്റ്.

'എന്റെ പൊന്നോ സിംപിള്‍', 'പാവം ഒരു പയ്യന്‍', 'എന്റമ്മോ എത്ര സിപിംള്‍', 'കുറച്ചു ജാഡയൊക്കെയാവാം', 'അടുത്ത സിനിമയ്ക്കായി കാത്തിരിക്കുന്നു' തുടങ്ങി കമന്റുകളും വിഡിയോയ്ക്കുതാഴെ വന്നിട്ടുണ്ട്. മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്ത എംപുരാനിലാണ് പ്രണവ് ഒടുവില്‍ അഭിനയിച്ചത്.

'ഞാൻ ഓവർ ആക്ടിങ് ആണെന്ന് പറയുന്നവരുണ്ട്; മെയ്യഴകന്‍ പോലെ ഒരു സിനിമ എനിക്ക് ചെയ്യാൻ പറ്റില്ല'

ഇതില്‍ മോഹന്‍ലാല്‍ അവതരിപ്പിച്ച കഥാപാത്രത്തിന്റെ യൗവ്വന കാലമാണ് പ്രണവ് അവതരിപ്പിച്ചത്. 'ഭ്രമയുഗ'ത്തിന് ശേഷം രാഹുല്‍ സദാശിവന്‍ സംവിധാനം ചെയ്യുന്ന ചിത്രമാണ് പ്രണവിന്റേതായി ഇനി പുറത്തിറങ്ങാനിരിക്കുന്നത്. എന്‍എസ്എസ്2 എന്ന് താത്കാലികമായി പേരിട്ടിരിക്കുന്ന ചിത്രത്തിന്റെ ഷൂട്ടിങ് ഈയിടെ പൂര്‍ത്തിയായിരുന്നു.