പൃഥ്വിരാജ്-ബ്ലെസി ചിത്രം ആടു ജീവിതം തിയറ്ററുകളിൽ മികച്ച പ്രേക്ഷക പ്രശംസയോടെ മുന്നേറുകയാണ്. ചിത്രത്തിൽ എആർ റഹ്മാൻ സം​ഗീതം ചെയ്ത ​ഗാനം 'പെരിയോനോ എൻ റഹ്മാനേ' സോഷ്യൽമീഡിയയിലടക്കം തരം​ഗമാവുകയാണ്. കൊച്ചച്ഛൻ മികച്ച പ്രകടനം കാഴ്ചവെച്ച ചിത്രത്തിലെ ​ഗാനം ആലപിച്ച് വൈറലായിരിക്കുകയാണ് പ്രാർഥന ഇന്ദ്രജിത്ത്. ചെറിയപെരുന്നാളിന്റെ ആശംസകൾ നേർന്നു കൊണ്ടാണ് പ്രാർഥന വിഡിയോ ഇൻസ്റ്റ​ഗ്രാമിൽ പോസ്റ്റ് ചെയ്തിരിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പെരിയോൻ എന്ന ​ഗാനം ആലപിച്ച ജിതിൻ രാജ് ഉൾപ്പെടെ നിരവധി പ്രമുഖർ പ്രാർഥനയുടെ വിഡിയോയിൽ പ്രതികരിച്ചു. ഈ മനോഹര ​ഗാനം ആലപിച്ചതിന് നന്ദി എന്നായിരുന്നു ജിതിൻ രാജിന്റെ കമന്റിന് പ്രാർഥന മറുപടി നൽകിയത്. വിഡിയോ ഇതിനോടകം ആരാധകർ ഏറ്റെടുത്തു കഴിഞ്ഞു. എന്നാൽ പ്രാർഥനയുടെ ആലാപനത്തെ വിമർശിച്ചും ആളുകൾ രം​ഗത്തെത്തി.

'പാട്ടിനെ പാടി നശിപ്പിച്ചു', 'ആ അങ്ങകലെ എങ്ങോ പോയി സ്വന്തം കൊച്ചച്ഛനോട് ഇത് വേണ്ടായിരുന്നു', 'അച്ഛന്‍റെ പുതിയമുഖത്തെക്കാള്‍ മെച്ചപ്പെട്ടത്' എന്നിങ്ങനെയായിരുന്നു വിമർശനം. എന്നാൽ വിമർശകർക്ക് മറുപടിയുമായി മറ്റുചിലരും രംഗത്തെത്തി. ‘മോൾ പാടുന്നതിന്റെ രണ്ടു വരി പോലും പാടാൻ അറിയാത്തവരാണ് കമന്റ് ബോക്‌സിൽ വന്നു വിധിക്കുന്നത്’, ‘പാട്ട് കൊള്ളാല്ലോ. കമന്റ് ബോക്സിൽ ചില ജഡ്ജസിനു പിടിച്ചില്ല’ എന്നിങ്ങനെയാണ് അവരുടെ പ്രതികരണം. സോഷ്യൽമീഡിയയിലൂടെ സജീവമായ താര പുത്രി വിദേശത്ത് പഠിക്കുകയാണ്.