മലയാളത്തിന്റെ പ്രിയനടൻ കലാഭവൻ മണി വിടപറഞ്ഞിട്ട് അഞ്ച് വർഷം പൂർത്തിയാവുകയാണ്. സിനിമയിലെ സെലിബ്രിറ്റികൾ ഉൾപ്പടെ നിരവധി പേരാണ് താരത്തിന്റെ ഓർമകൾ പങ്കുവെച്ചത്. ഇപ്പോൾ ശ്രദ്ധ നേടുന്നത് പൃഥ്വിരാജിന്റെ പോസ്റ്റാണ്. 

മണി ചേട്ടാ എന്ന വിളിയിലാണ് പ്രിയതാരത്തെ പൃഥ്വിരാജ് ഓർമിക്കുന്നത്. വിവാഹവേഷത്തിൽ നിൽക്കുന്ന പൃഥ്വിരാജിനെ ആലിം​ഗനം ചെയ്യുന്ന മണിയുടെ ചിത്രവും താരം പങ്കുവെച്ചിട്ടുണ്ട്. നിരവധി ആരാധകരാണ് പോസ്റ്റിന് കമന്റുകളുമായി എത്തുന്നത്. കലാഭവൻ മണി മലയാള സിനിമയിൽ സൃഷ്ടിച്ച വിടവിനെക്കുറിച്ചാണ് ആരാധകർ പറയുന്നത്. 

സംവിധായകൻ ഷാജി കൈലാസും ഓർമകൾ പങ്കുവെച്ചിട്ടുണ്ട്. തികഞ്ഞ അഭിനേതാവ്. എന്നും മാതൃകയായ മനുഷ്യ സ്‍നേഹി. നെഞ്ചോടു ചേർക്കുന്ന സുഹൃത്ത്. അവസാന ശ്വാസം വരെ നിന്നെ മനസിൽ സൂക്ഷിക്കാൻ ഒരായിരമോർമകൾ. മണി- അദ്ദേഹം കുറിച്ചു.