എംപുരാന്റെ പ്രൊമോഷൻ പരിപാടികൾ തകൃതിയായി നടന്നു കൊണ്ടിരിക്കുകയാണ്. ഹൈദരാബാദിലെ പ്രൊമോഷനിടെ പൃഥ്വിരാജ് പറഞ്ഞ ഒരു മാസ് മറുപടിയാണിപ്പോൾ സോഷ്യൽ മീഡിയയിൽ വൈറലായി മാറിക്കൊണ്ടിരിക്കുന്നത്. മലയാള സിനിമകൾ എപ്പോഴും കണ്ടന്റ് ബേസ് ചെയ്തുള്ളവയാണ്. മലയാള സിനിമ ഒരിക്കലും ബജറ്റിന്റെ പിന്നാലെ പോകാറില്ല. എന്നാൽ ഈ ചിത്രം ബജറ്റ് ബേസ് ചെയ്താണ് വരുന്നത് എന്ന ഒരു മാധ്യമപ്രവർ‌ത്തകന്റെ ചോദ്യത്തിനായിരുന്നു പൃഥ്വിയുടെ മറുപടി.

"ഒരിക്കലുമില്ല, എംപുരാനും കണ്ടന്റ് ബേസ് ചെയ്തുള്ള ചെയ്തുള്ള സിനിമയാണ്. ആ കണ്ടന്റ് കുറച്ച് ചെലവേറിയതാണ് എന്ന് മാത്രം."- എന്നായിരുന്നു പൃഥ്വിയുടെ മറുപടി. കഴിഞ്ഞ നാലു വർഷങ്ങൾക്കിടയിൽ ഒന്നോ രണ്ടോ ബിഗ് ബജറ്റ് സിനിമകൾ മാത്രമാണ് മലയാളത്തിൽ നിന്ന് വിജയിച്ചിട്ടുള്ളത്. എന്നാൽ ചെറിയ സിനിമകൾ വിജയിച്ചിട്ടുണ്ട്. എന്താണ് ഈ സ്ഥിതിയെക്കുറിച്ച് പറയാനുള്ളത് എന്ന ചോദ്യത്തിന്, "ചെറിയ സിനിമകൾ, വലിയ സിനിമകൾ എന്നീ മാനദണ്ഡത്തിലല്ല ബോക്സ്ഓഫീസിൽ സിനിമകൾ വിജയിക്കുന്നത്.

എന്റെ കാഴ്ചപ്പാടിൽ രണ്ടുതരം സിനിമകളാണുള്ളത്, നല്ല സിനിമകളും മോശം സിനിമകളും. ഞാനൊരു നല്ല സിനിമയാണ് ചെയ്തിരിക്കുന്നത് എന്നാണ് എന്റെ പ്രതീക്ഷ. ഈ നല്ല സിനിമ കുറച്ച് ചെലവുള്ള നല്ല സിനിമയാണ് എന്ന് മാത്രം" - പൃഥ്വി മറുപടി നൽകി.

എന്റെ കാഴ്ചപ്പാടിൽ രണ്ടുതരം സിനിമകളാണുള്ളത്, നല്ല സിനിമകളും മോശം സിനിമകളും. ഞാനൊരു നല്ല സിനിമയാണ് ചെയ്തിരിക്കുന്നത് എന്നാണ് എന്റെ പ്രതീക്ഷ. ഈ നല്ല സിനിമ കുറച്ച് ചെലവുള്ള നല്ല സിനിമയാണ് എന്ന് മാത്രം" - പൃഥ്വി മറുപടി നൽകി.

"ഞങ്ങൾ ഒരിക്കലും ഈ സിനിമയുടെ ബജറ്റിനെക്കുറിച്ച് എവിടെയും പറഞ്ഞിട്ടില്ല. ഈ സിനിമയ്ക്ക് ഇത്ര ചെലവുണ്ടെന്ന് ഞങ്ങൾ എവിടെയും പറഞ്ഞിട്ടില്ല. എന്റെ അഭിപ്രായത്തിൽ ഈ സിനിമ കാണുമ്പോൾ നിങ്ങൾക്ക് എന്ത് തോന്നുന്നുവോ അതാണ് ഈ സിനിമയുടെ ബജറ്റ്. അതിനൊപ്പം ഞാൻ ഒരു ചാലഞ്ചും വെക്കുകയാണ്.

'എംപുരാനിൽ ഫഹദ് ഉണ്ട്, ടോം ക്രൂസ് ഉണ്ട്...'; ഒടുവിൽ ആരാധകരുടെ ചോദ്യത്തിനുള്ള ഉത്തരവുമായി പൃഥ്വിരാജ്

നിങ്ങൾ ഊഹിക്കുന്നത് എത്രയായാലും അത് ഈ സിനിമയുടെ യഥാർഥ ബജറ്റിനേക്കാൾ കൂടുതലായിരിക്കും. അതാണ് മലയാളം സിനിമ"- എന്നും പൃഥ്വിരാജ് പറഞ്ഞു. മോഹൻലാൽ, മഞ്ജു വാര്യർ, ടൊവിനോ, ഇന്ദ്രജിത്ത് എന്നിവർക്കൊപ്പം നിരവധി ഹോളിവുഡ് താരങ്ങളും ചിത്രത്തിൽ അണിനിരക്കുന്നുണ്ട്. മാർച്ച് 27 നാണ് ചിത്രം തിയറ്ററുകളിലെത്തുന്നത്.