കറക്കമൊക്കെ കഴിഞ്ഞ് തിരിച്ചു വീട്ടില്‍ എത്തിയാല്‍ നിങ്ങള്‍ ആദ്യം ചെയ്യുന്നത് എന്താകും? സ്ത്രീകളോടാണ് ഈ ചോദ്യമെങ്കില്‍ ഭൂരിഭാഗം പേര്‍ക്കും ഒരൊറ്റ ഉത്തരം മാത്രമായിരിക്കും ഉണ്ടാവു. ഇത് എന്താണെന്നല്ലേ? നിര്‍മാതാവ് ബോണി കപൂറിന്റെ മകള്‍ അന്‍ഷുല കപൂര്‍ ഇതിന്റെ കൃത്യം ഉത്തരം ഒരു വിഡിയോയിലൂടെ പങ്കുവച്ചിട്ടുണ്ട്. 

വീട്ടില്‍ തിരിച്ചെത്തിയതിനു ശേഷം ബ്രാ ഊരി മാറ്റുന്ന അന്‍ഷുലയെയാണ് വിഡിയോയില്‍ കാണുന്നത്. സണ്‍ഡേ ബ്രഞ്ച് കഴിഞ്ഞ് വീട്ടില്‍ തിരിച്ചെത്തിയശേഷമുള്ള ഏറ്റവും മികച്ച കാര്യം എന്ന അടിക്കുറിപ്പിലാണ് അന്‍ഷുല വിഡിയോ പങ്കുവച്ചിരിക്കുന്നത്. നോ ബ്രാ ക്ലബ് എന്ന് ഹാഷ്ടാഗും താരപുത്രി നല്‍കിയിട്ടുണ്ട്. 

അതിനു പിന്നാലെ നിരവധി സ്ത്രീകളാണ് വിഡിയോയെ പ്രശംസിച്ചുകൊണ്ട് രംഗത്തെത്തിയത്. നടി പ്രിയങ്ക ചോപ്രയും കമന്റുമായി എത്തി. എല്ലാദിവസവും എന്നാണ് പ്രിയങ്ക കുറിച്ചത്. കോവിഡ് കാലത്ത് എല്ലാ ദിവസവും സണ്‍ഡേ ആയിരുന്നു എന്നാണ് ഒരാളുടെ കമന്റ്. ഇന്‍സ്റ്റഗ്രാമില്‍ ഏറെ ഫോളോവേഴ്‌സുള്ള താരപുത്രിയാണ് അന്‍ഷുല. ബോഡ് പോസിറ്റിവിറ്റി പറയുന്ന നിരവധി കണ്ടന്റുകളാണ് പങ്കുവയ്ക്കാറുള്ളത്.

ഈ വാർത്ത കൂടി വായിക്കാം  

സിനിമ ഷൂട്ടിങ്ങിനിടെ വിശാലിന് വീണ്ടും പരിക്ക്, അപകടം ക്ലൈമാക്സ് ഷൂട്ടിനിടെ; ലാത്തിയുടെ ചിത്രീകരണം നിർത്തി

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ