മുംബൈ: രാമായണം സീരിയലിലെ രാവണന്‍ കഥാപാത്രത്തെ അവതരപ്പിച്ച് ശ്രദ്ധേയനായ നടൻ അരവിന്ദ് ത്രിവേദി അന്തരിച്ചു. 82 വയസ്സായിരുന്നു. വാർദ്ധക്യസഹജമായ അസുഖത്തെ തുടർന്ന് ഏറെ നാളായി ചികിത്സയിലായിരുന്ന നടൻ ഇന്നലെ രാത്രി 10 മണിയോടെയാണ് മരിച്ചത്. ഹൃദയാഘാതമാണ് മരണകാരണം. 

ഹിന്ദി, ഗുജറാത്തി എന്നീ ഭാഷകളിലായി മുന്നൂറോളം ചിത്രങ്ങളിൽ അഭിനയിച്ച അരവിന്ദ് ത്രിവേദി നാൽപ്പത് വർഷം അഭിനയത്തിൽ സജീവമായിരുന്നു. അഭിനയത്തിനു പുറമെ രാഷ്‌ട്രീയത്തിലും പ്രവർത്തിച്ച  ത്രിവേദി 1991 മുതൽ 1996 വരെ സബർകഥ മണ്ഡലത്തിൽ നിന്നും തിരഞ്ഞെടുക്കപ്പെട്ട പാർലമെന്റ് അംഗമായിരുന്നു

സെൻട്രൽ ബോർഡ് ഫോർ ഫിലിം സർട്ടിഫിക്കേഷന്റെ(സിബിഎഫ്‌സി) മുൻ ചെയർമാനായിരുന്നു.