93-ാമത് ഓസ്‌കറിന്റെ റെഡ് കാര്‍പ്പറ്റില്‍ ഒന്നിനൊന്നു തിളങ്ങിയാണ് താരങ്ങള്‍ എത്തിയത്. ഇതില്‍ ആരാധകരുടെ ഏറ്റവും പ്രിയ നിമിഷങ്ങളില്‍ ഒന്നാണ് റെജീന കിങിന്റെ രംഗപ്രവേശനം. പ്രമുഖ ബ്രാന്‍ഡായ ലൂയി വിറ്റണ്‍ (എല്‍ വി) ഡിസൈനര്‍ ഗൗണ്‍ ആണ് റെജീന അണിഞ്ഞത്.
' ഒരു പ്രതിമ പോലെ തോന്നുന്നു', എന്ന അടിക്കുറിപ്പോടെയാണ് ഓസ്‌കര്‍ റെഡ് കാര്‍പ്പറ്റ് ഔട്ട്ഫിറ്റിലുള്ള ചിത്രം താരം ഇന്‍സ്റ്റഗ്രാമില്‍ പങ്കുവച്ചത്. ഇളം നീല നിറത്തിലെ സാറ്റിന്‍ ഗൗണില്‍ സില്‍വര്‍ സീക്വിന്‍സ് വര്‍ക്കാണ് നല്‍കിയിരിക്കുന്നത്. കഴുത്തില്‍ നിന്ന് കൈയിലേക്ക് റഫിള്‍ഡ് സ്ലീവുകള്‍ നല്‍കിയിട്ടുണ്ട്. ചിത്രശലഭത്തിന്റെ ചിറകുകള്‍ പോലെയാണ് നെക്ക്‌ലൈനും സ്ലീവും ഡിസൈന്‍ ചെയ്തിരിക്കുന്നത്.
ഗൗണിലെ സ്വരോസ്‌കി ക്രിസ്റ്റലുകളുടെ എണ്ണമാണ് ഫാഷന്‍ പ്രേമികളെ അമ്പരിപ്പിച്ചത്. 62,000 സീക്വിന്‍സുകളും എണ്ണായിരത്തിലേറെ കല്ലുകളുമാണ് വസ്ത്രത്തില്‍ തുന്നി ചേര്‍ത്തിരുന്നത്. 140 മണിക്കൂര്‍ കൊണ്ടാണ് ഗൗണ്‍ തയ്യാറാക്കിയതെന്നും ജനുവരി മുതല്‍ താന്‍ ഇതിന്റെ പണിപ്പുരയിലാണെന്നും റെജീനയുടെ സ്റ്റൈലിസ്റ്റ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates