മികച്ച അഭിനേതാവ് എന്ന നിലയില്‍ മാത്രമല്ല ശക്തമായ രാഷ്ട്രീയ നിലപാടുകളിലൂടെയും കയ്യടി നേടുന്ന താരമാണ് സ്വര ഭാസ്‌കര്‍. വലതു പക്ഷത്തിനെതിരെയുള്ള താരത്തിന്റെ ശക്തമായ നിലപാടുകള്‍ പലപ്പോഴും ചര്‍ച്ചയാകാറുണ്ട്. ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് താരത്തിനോടുള്ള ഒരു ആരാധകന്റെ ചോദ്യമാണ്. 

വലതു പക്ഷക്കാരനാണെങ്കില്‍ കൂടി സ്വരയെ ഇഷ്ടപ്പെടാന്‍ അനുവദിക്കുമോ എന്നായിരുന്നു സിദ്ധാര്‍ഥ് ജെയിന്‍ എന്ന ട്വിറ്റര്‍ യൂസറിന്റെ ചോദ്യം. താരത്തിനെ ടാഗ് ചെയ്തു കൊണ്ടുള്ള ട്വീറ്റിന് രസകമായ മറുപടിയും സ്വര നല്‍കി. ക്വസ്റ്റിന്‍ ഓഫ് ദി ഡേ എന്ന അടിക്കുറിപ്പിലാണ് താരം വലത് ആരാധകന്റെ ചോദ്യം റീട്വീറ്റ് ചെയ്തത്. വ്യത്യസ്തങ്ങളായ ഇമോജികള്‍ക്കൊപ്പമായിരുന്നു മറുപടി. 

സിനിമയില്‍ നിന്നുകൊണ്ടു തന്നെ രാജ്യത്തു നടക്കുന്ന പ്രതിഷേധ സമരങ്ങളില്‍ സ്വര പങ്കെടുക്കാറുണ്ട്. സിഎഎയ്ക്ക് എതിരെയുള്ള സമരങ്ങളിലും കര്‍ഷക പ്രക്ഷോഭത്തിലും താരം പങ്കാളിയായിരുന്നു. കൂടാതെ തെരഞ്ഞെടുപ്പ് പ്രചാരണത്തിനും താരം ഇറങ്ങാറുണ്ട്. എന്നാല്‍ അടുത്തൊന്നും രാഷ്ട്രീയത്തിലേക്ക് ഇല്ലെന്നാണ് സ്വര പറയുന്നത്. അഭിനയ രംഗത്ത് സജീവമായ സ്വര കഴിഞ്ഞ വര്‍ഷം നിറഞ്ഞു നിന്നത് ഡിജിറ്റല്‍ പ്രൊജക്റ്റുകളിലാണ്. ആമസോണ്‍, നെറ്റ്ഫഌക്‌സ് എന്നിവയില്‍ താരത്തിന്റേതായി നിരവധി സീരീസുകളാണ് റിലീസായത്.