ആര്‍ജെയും സംവിധായകനും അവതാരകനുമായ മാത്തുക്കുട്ടി വിവാഹിതനാകുന്നു. എലിസബത്ത് ഷാജി മഠത്തിലാണ് വധു. വിവാഹനിശ്ചയം കഴിഞ്ഞു. എന്‍ഗേജ്‌മെന്റ് ചിത്രങ്ങള്‍ പങ്കുവച്ച് മാത്തുക്കുട്ടി തന്നെയാണ് സന്തോഷവാര്‍ത്ത പങ്കുവച്ചത്. 

അടുത്ത ബന്ധുക്കളും സുഹൃത്തുക്കളും പങ്കെടുത്ത ചടങ്ങില്‍ വച്ചായിരുന്നു വിവാഹനിശ്ചയം. നിരവധി പേരാണ് മാത്തുക്കുട്ടിക്ക് ആശംസകള്‍ അറിയിച്ചുകൊണ്ട് എത്തുന്നത്. രാജ്കലേഷ് ദിവാകരന്‍, അശ്വതി ശ്രീകാന്ത്, സ്‌നേഹ ശ്രീകുമാര്‍, അഹ്മദ് ഖബീര്‍, ഫുട്‌ബോള്‍ താരം ശ്രീജേഷ് തുടങ്ങിയവര്‍ ആശംസകള്‍ അറിയിച്ചു. 

റേഡിയോ ജോക്കി എന്ന നിലയിലാണ് മാത്തുക്കുട്ടി ശ്രദ്ധേയനാകുന്നത്. തുടര്‍ന്ന് അവതാരകനായും കയ്യടി നേടുകയായിരുന്നു. ആസിഫ് അലിയെ നായകനാക്കി ഒരുക്കിയ കുഞ്ഞെല്‍ദോ എന്ന ചിത്രത്തിലൂടെയാണ് സംവിധാനത്തിലേക്ക് അരങ്ങേറ്റം കുറിച്ചത്. 

ഈ വാര്‍ത്ത കൂടി വായിക്കൂ 

'അവളെ ഞാന്‍ ഭ്രാന്തമായി പ്രണയിക്കുന്നു'; തമന്നയെക്കുറിച്ച് വിജയ് വര്‍മ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ