കഴിഞ്ഞ ദിവസമാണ് നടി സാമന്ത വിവാഹിതയായത്. സംവിധായകന്‍ രാജ് നിദിമൊരുവിനെയാണ് സാമന്ത വിവാഹം കഴിച്ചത്. ഇരുവരും ഏറെ നാളായി പ്രണയത്തിലായിരുന്നു. വിവാഹത്തിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായി മാറുകയാണ്. ഇതിനിടെ സാമന്തയുടെ മുന്‍ മേക്കപ്പ് ആര്‍ട്ടിസ്റ്റും സുഹൃത്തുമായ സാദ്‌ന സിങ് പങ്കുവച്ച ഇന്‍സ്റ്റഗ്രാം സ്റ്റോറി ചര്‍ച്ചയായി മാറിയിരിക്കുകയാണ്.

സാമന്തയുമായി വളരെ അടുത്ത ബന്ധമുണ്ടായിരുന്നു സാദ്‌നയ്ക്ക്. ഒരുകാലത്ത് തന്റെ പാര്‍ട്ണര്‍ ഇന്‍ ക്രൈം എന്നാണ് സാദ്‌ന സാമന്തയെ വിളിച്ചിരുന്നത്. എന്നാല്‍ ഇപ്പോള്‍ ഇരുവരും സോഷ്യല്‍ മീഡിയയില്‍ പരസ്പരം ഫോളോ ചെയ്യുന്നത് പോലുമില്ല. സാമന്തയുടെ അടുത്ത സുഹൃത്തുക്കള്‍ മാത്രം ക്ഷണിക്കപ്പെട്ട വിവാഹത്തിന് സാദ്‌നയ്ക്ക് ക്ഷണവുമുണ്ടായിരുന്നില്ല എന്നാണ് റിപ്പോര്‍ട്ടുകള്‍.

ഇതിനിടെയാണ് സാദ്‌ന പങ്കുവച്ച സ്‌റ്റോറി ചര്‍ച്ചയാകുന്നത്. ''വില്ലന്‍ വളരെ നന്നായി ഇരയായി അഭിനയിക്കുന്നു'' എന്ന വാചകമാണ് സാദ്‌ന പങ്കുവച്ചത്. പിന്നാലെ സാദ്‌നയുടെ വാക്കുകള്‍ സാമന്തയെ ലക്ഷ്യം വച്ചുള്ളതാണെന്ന അനുമാനത്തിലേക്ക് എത്തുകയായിരുന്നു സോഷ്യല്‍ മീഡിയ. വിവാഹിതയായ സാമന്തയ്ക്ക് സാദ്‌ന ആശംസകള്‍ നേരാതിരുന്നതും ആരാധകരുടെ ശ്രദ്ധ നേടി.

ചര്‍ച്ചകള്‍ പുരോഗമിക്കവെ സാദ്‌ന പ്രതികരണവുമായെത്തി. ''വിദ്യാഭ്യാസമുള്ള അസ്വസ്ഥരായ മനുഷ്യര്‍ ജീവിക്കുന്നത് തണുത്തുറഞ്ഞു പോയ തലച്ചോറുമായാണ്. എന്നെ പിന്തുടരുകയും അസഭ്യം പറയുകയും ചെയ്യുന്നു'' എന്നായിരുന്നു സാദ്‌ന പങ്കുവച്ച വാചകം. അതേസമയം താന്‍ ഉദ്ദേശിച്ചത് സാമന്തയെയാണോ എന്ന ചോദ്യങ്ങള്‍ക്കൊന്നും സാദ്‌ന മറുപടി നല്‍കുന്നില്ലെന്നതും സോഷ്യല്‍ മീഡിയ ചൂണ്ടിക്കാണിക്കുന്നുണ്ട്.